مقبول خبریں
پیر سید منور حسین شاہ کی زیر صدارت بلال جامع مسجدمیں تاجدار ختم نبوت کانفرنس کا انعقاد
مارجری حسین کی لکھی کتاب کی تقریب رونمائی،شرکا نے کتاب کو تاریخ ساز کارنامہ قرار دیا
جموں کشمیر تحریک حق خود ارادیت جولائی میں برطانیہ و یورپ میں کانفرنسز،سیمینارز منعقد کریگی
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
اوورسیز پاکستانیز ویلفیئر کونسل کا وسیم اختر چوہدری اور ملک ندیم عباس کے اعزاز میں استقبالیہ
مسئلہ کشمیر کو برطانیہ و یورپ میں اجاگر کرنے پر تحریکی عہدیداروں کا اہم کردار ہے: امجد بشیر
ہم نے سچ کو دیکھا ہے جھوٹ کے جھروکوں سے!!!!
پکچرگیلری
Advertisement
مشتاق لاشاری کا پورٹریٹ کونسل ہال میں لگا نے کی تقریب، صنم بھٹو نے نقاب کشائی کی
لندن (خصوصی رپورٹ:اکرم عابد) رائل بارو آف کنزنگٹن اینڈ چیلسی نے تھرڈورلڈ سالیڈیرٹی کے چیئرمین ایلڈرمین مشتاق لاشاری سی بی ای کا پورٹریٹ کونسل ہال میں لگا دیا ہے وہ پہلے پاکستان یا غیرسفید فام باشندے ہیں جن کو یہ اعزاز حاصل ہوا ہے اس موقع پر کنزنگٹن اینڈ چیلسی ٹائون ہال میں ایک پروقار تقریب منعقدہوئی جس میں بیگم صنم بھٹو نے مشتاق لاشاری کے پورٹریٹ کی نقاب کشائی کی،یہ پورٹریٹ سرکاری طورپر بنایا گیا ہے اور اسے کونسل کے میئر پارلر میں لگایا گیا ہے،اس موقع پر بیگم صنم بھٹو کاکہنا تھا کہ ایک پاکستانی کو اتنا بڑا اعزاز ملنا سارے پاکستانیوں کیلئے فخر کی بات ہے انہوںنے کہاکہ پورٹریٹ کی نقاب کشائی کرنا ان کیلئے بھی فخر کا باعث ہے ایلڈرمین مشتاق لاشاری نے کہاکہ انہوں نے بطور کونسلر نہ صرف بارو کے عوام کی خدمت کی بلکہ بطور چیئرمین تھرڈورلڈسالیڈیرٹی انہوں نے دنیا بھر کے محکوموں کی آواز کو دنیا کے بڑے ایوانوں میں پہنچایا،انہوں نے کہاکہ وہ خود کو ایک باروتک محدود نہیں رکھنا چاہتے تھے بلکہ انکی خواہش تھی کہ وہ سارے برطانیہ اور تیسری دنیا کے لوگوں کی خدمت کریںاس لئے انہوںنے کونسلرشپ چھوڑ دی ہے تاہم انہیں خوشی ہے کہ بارونے انہیں اتنے بڑے اعزاز سے نوازا،انہوں نے کہاکہ اس بات سے اندازہ لگایا جاسکتا ہے کہ برطانوی معاشرہ کس قدر رواداری اور بردباری والا ہے،کنزنگٹن اینڈ چیلسی بارو کی میئرکونسلر میری ٹریسوسی نے مشتاق لاشاری نے بارو کے عوام کیلئے شاندار خدمات انجام دی ہیں اور بطور ڈپٹی میئر بھی وہ انتہائی کامیاب رہے ہیں یہی وجہ ہے کہ کونسل نے انہیں پہلے ایلڈرمین کا خطاب دیااور اب ان کا پورٹریٹ کونسل میں لگایا جارہا ہے،برینٹ کے میئرکونسلر ارشد ڈار نے کہاکہ مشتاق لاشاری اس اعزازکے بجاطور پر حق دار تھے کیونکہ انہوںنے نہ صرف باروکے عوام کی بلکہ مجموعی طور پر ساری انسانیت کی زبردست خدمت کی ہے اوریہ سلسلہ اب بھی جاری ہے،مظفر چوہدری نے کہاکہ مشتاق لاشاری برطانوی پارلیمنٹ میں تھرڈورلڈسالیڈیرٹی کے پارلیمانی گروپ کے ذریعے پاکستان کیلئے بہت زیادہ کام کررہے ہیں انہوںنے ہمیشہ غریبوں کی بات کی ہے انہوںنے کہا کہ کمیونٹی کیلئے ان کی خدمات ہمیشہ یاد رکھی جائیں گی،محمود جمال کاکہنا تھا کہ مشتاق لاشاری انتہائی متحرک ہیں اور ساری کمیونٹیز کیلئے بلاتخصیص کام کررہے ہیں،تقریب میں سابق ہائی کمشنر واجد شمس الحسن،ڈاکٹر عائشہ، میاں سلیم اور دیگر شخصیات نے بڑی تعداد میں شرکت کی۔