مقبول خبریں
نیلی مسجد یو کے اسلامک مشن کیلئے فنڈزریزنگ اپیل پر ڈنر کا اہتمام ،مئیر کونسلرمحمد زمان کی شرکت
بھارتی لابی نے کشمیر کانفرنس کوانے کے لئے اوچھے ہتھکنڈے استعمال کیے: شاہ محمود قریشی
مسئلہ کشمیر کو پر امن طریقے سے حل کیا جائے: برطانوی و یورپی ارکان پارلیمنٹ کا مطالبہ
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
میئرآف لوٹن (برطانیہ) نے شاہد حسین سید کو کمیونٹی سروسز پر شیلڈ پیش کی
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
راجہ نجا بت حسین کی صدر آزاد کشمیر سردار مسعود اور وزیر اعظم راجہ فاروق حیدر سے ملاقات
کشمیر‘ جہاں خواب بھی آنسو کی طرح ہیں!!!!!
پکچرگیلری
Advertisement
پرواز ہے جنوں: فلم میں ایئرفورس اکیڈمی کی روزمرہ زندگی کو قریب سے دکھایا گیا ہے
لندن (رپورٹ: اکرم عابد) پاکستانی سینما کے بڑے ستارے بڑی تعداد میں لندن میں امڈ آئے جو سب فلم ’’پرواز ہے جنوں‘‘ کے یورپین ریڈکارپٹ پریمیئر کے سلسلے میں یہاں پہنچے ۔ جوانی، ہمت وحوصلے، محبت اور حب الوطنی کی کہانی ’’پرواز ہے جنوں‘‘ پاکستان ایئرفورس کو خراج تحسین پیش کرنے کے لئے بنائی گئی ایک فلم ہے جو مومنہ اینڈ درید فلمز اور ہم فلمز نے پاکستان ایئرفورس کے ساتھ مل کر بنائی ہے۔ فلم کی کہانی فرحت اشتیاق نے تحریر کی ہے جو اس سے پہلے فلم ’’بن روئے‘‘ بھی تحریر کر چکے ہیں۔ ’’بن روئے‘‘ کے بعد یہ مومنہ درید کی دوسری فلم ہے۔ بن روئے، 2015 میں ریلیز ہوئی تھی جس کا شمار خاص طور پر برطانیہ کی بڑی انٹرنیشنل سپرہٹ فلموں میں ہوتا ہے۔ فلم کی کاسٹ میں ہانیہ عامر، سپرسٹار حمزہ علی عباسی، اور ابھرتے ہوئے ستارے احد رضامیر شامل ہیں جو پریمیئر کے موقع پر پروڈیوسر مومنہ درید کے ہمراہ موجود تھے۔ ریڈکارپٹ کے بعد فلم کی ’’ایکسکلوسو سکریننگ‘‘ ہوئی جسے تمام حاضرین نے بھرپور داد دی۔ پاکستان ایئرفورس کو خراج تحسین پیش کرنے کے لئے بنائی گئی اس فلم میں ایئرفورس اکیڈمی کی روزمرہ زندگی کو قریب سے دکھایا گیا ہے، جس میں ایئرفورس کے جوانوں کو ہنستے کھیلتے، غلطیاں کرتے ہوئے سیکھنے کی منازل طے کرتے ہوئے دکھایا گیا ہے۔ فلم کی کہانی ثانیہ (ہانیہ عامر) کے گرد گھومتی ہے جو ایک نوجوان کیڈٹ ہیں جنہیں صنفی کرداروں سے جڑی عام دقیانوسی باتوں کو پیچھے چھوڑ کر اپنا پائلٹ بننے کا خواب پورا کرنا ہے۔ فلم کے بارے میں اپنی رائے سے متعلق ایک سوال کے جواب میں ہانیہ عامر کا کہنا تھا کہ میں جس وقت ’’پرواز ہے جنوں‘‘ کا حصہ بنی تو میری عمر صرف انیس برس تھی اور اب جب میں پیچھے مڑ کر دیکھتی ہوں تو مجھے اندازہ ہوتا ہے کہ یہ میری زندگی کا بہترین فیصلہ تھا۔ انہوں نے مزید کہا کہ یہ میرے لئے ایک چیلنج تھا کہ مرکزی کردار کے طور پر میں کیسی پرفارمنس دیتی ہوں اور میں مومنہ جی اور پروڈیوسرز کی شکرگزار ہوں کہ انہوں نے مجھے یہ یادگار موقع دیا۔ یہ فلم پاکستان کے بارے میں بیرونی دنیا کے منفی خیالات کو بھی غلط ثابت کرتی ہے اور اس میں دکھایا گیا ہے کہ کس طرح پاکستان دہشت گردی کے خلاف برسرپیکار ہے۔ اس حوالے سے حمزہ علی عباسی کا کہنا تھا کہ یہ فلم پاکستان میں ایک انقلاب لائے گی اور اب جبکہ نیا پاکستان بن چکا ہے تو ہماری منزلیں آسمانوں سے بھی آگے ہیں۔ انہوں نے امید ظاہر کی کہ پاکستان کے اندر اور باہر، ہر جگہ رہنے والے لوگ اس محنت کو خراج تحسین پیش کریں گے جو ہم اس فلم کو بنانے کے لئے کی ہے۔ انہوں نے مزید کہا کہ پاکستان نے ہمیں اتنا کچھ دیا ہے اب ہماری باری ہے کہ ہم پاکستان کے لئے کچھ کریں۔