مقبول خبریں
ن لیگ برطانیہ و یورپ کا نواز شریف،مریم نواز اور کیپٹن صفدر کی سزائیں معطل ہونے پر اظہار تشکر
قاضی انویسٹ منٹ کی جانب سے وطن کی محبت میں ڈیم فنڈ کیلئے ایک لاکھ پائونڈ عطیہ کا اعلان
تحریک حق خود ارادیت انٹر نیشنل کے ساتھ ملکر کشمیر کانفرنس کا انعقاد کرینگے :کرس لیزلے و دیگر
ڈیم سے روکنے کی کوشش پر غداری کا مقدمہ چلے گا: چیف جسٹس پاکستان
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
پاکستان سے تشریف لائے ممبر پنجاب اسمبلی فیاض احمد وڑائچ کا دورہ منہاج ویلفیئر فائونڈیشن
ہم دھوپ میں بادل کی، درختوں کی طرح ہیں!!!!!!!
پکچرگیلری
Advertisement
تحریک حق خود ارادیت انٹر نیشنل کے ساتھ ملکر کشمیر کانفرنس کا انعقاد کرینگے :کرس لیزلے و دیگر
نوٹنگھم:ریاست جموں وکشمیر کے تمام باشندے دنیا بھر میں اپنے حقوق کیلئے جدوجہد جاری رکھیں گے اور کشمیر دوست ممبران پارلیمنٹ کی معاونت سے ہر ایوان میں بھارتی سازشوں کو بے نقاب کریں گے،برطانوی پارلیمنٹ میں کشمیر گروپ مقبوضہ کشمیر میں انسانی حقوق کی خلاف ورزیوں پر انکوائری رپورٹ جلد جاری کرے گا جبکہ تحریک حق خود ارادیت انٹر نیشنل کے ساتھ ملکر ستمبر کے آخر میں برمنگھم،بریڈفورڈ اور نوٹنگھم کشمیر کانفرنس کا بھی انعقاد کریں گے جبکہ ریاست کے دونوں اطراف دورہ کرکے مقبوضہ کشمیر، آزاد کشمیر، گلگت بلتستان اور دونوں پاکستانی و بھارتی نمائندوں سے بھی ملاقاتیں کی جائیں گی تاکہ مسئلہ کشمیر کے حل میں پیش رفت ہو سکے اور اقوام متحدہ کی سلامتی کونسل کی قراردادوں پر عملدرآمد کرانے کیلئے دونوں حکومتوں کو آمادہ کیا جا سکے،ان خیالات کا اظہار برطانوی پارلیمنٹ میں کشمیر گروپ کے چیئرمین کرس لیزلے ایم پی،ورنن کوکر ایم پی،لارڈ میئر آف نوٹنگھم کونسلر لیاقت علی،سابق لارڈ میئر کونسلر گلنواز خان،سابق میئر کونسلر حلیم خالد،سابق مشیر وزیر اعظم آزاد کشمیر عبدالرحمان خان،سیکرٹری جنرل محمد اعظم،برطانیہ کی چیئرپرسن کونسلر یاسمین ڈار،نوٹنگھم کے نمائندے راجہ ساجد،مسلم کانفرنسی رہنما جاوید عباسی،ڈاکٹر محمد عارف اور سابق مشیر صدر آزاد کشمیر راجہ ایوب خان نے مقبوضہ کشمیر میں بھارتی مظالم اور کشمیری لیڈر شپ کی مسلسل گرفتاریوں اور نظر بندیوں کی مذمت کرتے ہوئے اس مسئلے کوکشمیری عوام کی خواہشات کے مطابق حل کروانے کیلئے بیرون ملک خصوصاً برطانیہ اور یورپ میں منظم پروگرام تحریک کو آگے بڑھانے کا عزم کیا اور برطانوی حکومت کے ذریعے بھارتی حکومت سے مطالبہ کیا کہ وہ ریاست جموں و کشمیر کی خصوصی حیثیت کو تبدیل کرنے کی کوششیں بند کرے اور عالمی قوانین کا احترام کرے،برطانوی پارلیمنٹ میں کشمیر گروپ کے چیئرمین کرس لیزلے ایم پی نے اپنے خطاب میں کہا کہ انکا گروپ مقبوضہ کشمیر میں رونما ہونیوالے ہر واقعہ پر پارلیمنٹ میں آواز بلند کرتا ہے اور ہم اس مسئلے کو اس وقت تک اٹھاتے رہیں گے جب تک کشمیری عوام کوتمام بنیادی حقوق نہیں مل جاتے،انہوں نے کہا کہ پاکستان میں حالیہ انتخاب کے بعد نئی حکومت سے اس توقع کا اظہار کیا کہ وہ بھارتی حکمرانوں سے مسئلہ کشمیر پر بات چیت شروع کریں گے جس میں کشمیری نمائندوں کو بھی شریک کیا جائے گا اور توقع ہے کہ بھارتی حکمرانوں کو بھی مثبت اقدامات کر کے برصغیر میں اس دیرینہ مسئلہ کے حل کرنے میں دلچسپی لیں گے۔خصوصی رپورٹ:فیاض بشیر