مقبول خبریں
کونسلر شکیل احمد تیسری بار لیبر پارٹی کی طرف سے مئی 2020ء کے لئے امیدوار نامزد
کشمیر کی حیثیت میں یکطرفہ بھارتی تبدیلی جنوبی ایشیا میں خطرناک بگاڑکا باعث ہوگی
پاک سر زمین پارٹی کے مرکزی جوائنٹ سیکرٹری محمد رضا کی زیر صدارت عہدیداران و کارکنان کا اجلاس
برطانوی شاہی جوڑے کی پاکستان میں زبردست پذیرائی، وزیر اعظم اور صدر مملکت سے ملاقاتیں
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
حلقہ ِ ارباب ِ ذوق کے ادبی پروگرام میں پاکستانیوں اور کشمیری کونسلرز کی بڑی تعداد میں شرکت
پارک ویو کمیونٹی سنٹر شہیر واٹر میں ہمنوا یو کے کے زیرِ اہتمام یوم آزادی پاکستان تقریب کا انعقاد
پروفیٹک گفٹس ویڈنگ اینڈ ایونٹس آرگنائزر کے زیر اہتمام ایشین ویڈنگ اینڈ پلانرز ایونٹ کا انعقاد
میرے تمام خواب نظاروں سے جل گئے
پکچرگیلری
Advertisement
امید ہے افضل خان یورپی پارلیمنٹ میں کشمیر مظالم بارے آواز اٹھاتے رہیں گے :مشال ملک
اسلام آباد : حریت رہنما یاسین ملک کی اہلیہ مشال ملک نے کہا ہے کہ بھارتی افواج نے مقبوضہ کشمیر میں مظالم کی انتہا کرد ی ہے ، یاسین ملک سمیت حریت قائدین کے ساتھ جو ہو رہا ہے دنیا دیکھ رہی ہے ،کشمیری اپنے حق خود ارادیت کے حصول کے لئے بر سر پیکار ہیں،بھارت جبرو استبداد کے ذریعے ان کی آواز نہیں دبا سکتا،افضل خان جیسی شخصیات سے ہمیں امید ملتی ہے جنھوں نے یورپی پارلیمنٹ اور بر طانیہ میں مسئلہ کشمیر اور عالمی امن کے لئے آواز اٹھائی۔ان خیالات کا اظہار انھوں نے ہفتہ کو یہاں یورپی یونین کے برطانوی ممبر پارلیمنٹ افضل خان کے ہمراہ پریس کانفرنس سے خطاب کرتے ہوئے کیا۔مشال خان نے کہا کہ بھرتی قابض افواج نے حق خود ارادیت کے حصول کے لئے جدوجہد کرنے والے نہتے کشمیری عوام پر مظالم کی انتہا کر رکھی ہے عالمی برادری کی اس حوالے سے خاموشی افسوسناک ہے ۔انھوں نے کہا کہ یاسین ملک سمیت حریت قائدین کے ساتھ جو سلوک روا رکھا گیا ہے وہ پوری دنیا کے سامنے ہے جو بدترین ریاستی دہشت گردی کے ذریعے کشمیری عوام کی آواز کو دبانے کی کوشش کر رہا ہے لیکن کشمیری نہ پہلے اپنے مطالبہ سے ایک انچ پیچھے ہٹے اور نہ اب ہٹیں گے ۔ انہوں نے امید ظاہر کی کہ افضل خان یورپی پارلیمنٹ میں اور برطانیہ میں کشمیریوں کے خلاف روا رکھی گئی بھارتی قابض افواج کی انسانی حقوق کی بد ترین پامالیوں اور کشمیریوں کی نسل کشی کے لئے نوجوانوں کو نشانہ بنانے کے واقعات کے خلاف آواز اٹھاتے رہیں گے ۔ اس موقع پریورپی یونین کے برطانوی ممبر پارلیمنٹ افضل خان نے پریس کانفرنس سے خطاب کرتے ہوئے کہا کہ بھارتی ظلم کی شدت کم ہونے کی بجائے دن بدن بڑھ رہی ہے جس کی جتنی بھی مذمت کی جائے کم ہے ۔انھوں نے کہا کہ مقبوضہ کشمیر کے عوام حق خود ارادیت چاہتے ہیں جو ان کا بنیادی حق ہے اقوام عالم کو چاہیئے کہ وہ مسئلہ کشمیر کو کشمیری عوام کی امنگوں کے مطابق جلد حل کرانے کے لئے اپنا کردار ادا کرے جس کی وجہ سے جنوبی ایشیا کا امن کشمیر کی وجہ سے تباہ ہورہا ہے ۔ افضل خان نے کہا کہ یورپ کی تاریخ بھی جنگوں سے بھری پڑی ہے مگر آج انہیں بھی سمجھ آگئی ہے کہ جنگ کسی مسئلے کا حل نہیں اور امن ہی تمام مسائل کا حل ہے ۔انھوں نے کہا کہ بھارت کو چاہئے کہ وہ مذاکرات کے ذریعے پاکستان کے ساتھ اپنے تمام تصفیہ طلب مسائل کو حل کرے اور مسئلہ کشمیر جو ایک بنیادی مسئلہ ہے اسے اقوام متحدہ کی منظور شدہ قراردادوں کے مطابق حل کرے کیونکہ جنوبی ایشیا میں امن کیلئے مسئلہ کشمیر کا حل ناگزیر ہے ۔افضل خان نے کہا کہ کشمیر میں انسانی حقوق کی پامالیوں پر پہلے بھی یورپ اور برطانیہ کے ہر فورم پر آواز اٹھائی ہے اور آئندہ بھی مسئلہ کشمیر اور عالمی امن کے لئے اپنا کردار ادا کرتے رہیں گے ۔انھوں نے کہا کہ بھارت اپنے مظالم سے اقوام عالم کی نظریں ہٹانے کے لئے انٹرنیشنل کمیونٹی کو کشمیر جانے کی اجازت نہیں دیتا، کشمیریوں کی تیسری نسل بھارتی مظالم کا نہتے سامنا کر رہی ہے ،دنیا کو کشمیر یوں کے لیے آواز اٹھانی چاہئے ۔