مقبول خبریں
یورپی پارلیمنٹ کی انسانی حقوق کمیٹی کا مقبوضہ کشمیر میں انسانی حقوق کی خلاف ورزیوں پر ہیئرنگ کا فیصلہ
بیسٹ وے گروپ کے سربراہ سرانور پرویز کی جانب سے کمیونٹی رہنمائوں کے اعزاز میں استقبالیہ
نبوت بھی اﷲ کی عطا ہے اور صحابیت بھی، نبوت بھی ختم ہے اور صحابیت بھی: ڈاکٹر خالد محمود
ملک دشمن عناصر دہشتگردی کے ذریعے پاکستان میں الیکشن سبوتاژ کرنا چاہتے ہیں:عمران خان
مقبوضہ کشمیر :بھارتی فوج نے نوجوان کا سر تن سے جدا کر دیا ،احتجاج،جھڑپیں
شیر خدا نے نبی پاک کی آواز پر لبیک کہہ کر اسلام سے محبت اور وفا کی عمدہ مثال قائم کی
پیپلزپارٹی ہی آئندہ انتخابات میں چاروں صوبوں میں اکثریت حاصل کریگی:میاں سلیم
مسئلہ کشمیر پرقوم کا نکتہ نظر اور قربانیاں رنگ لا رہی ہیں:جموں کشمیر تحریک حق خود ارادیت
نیا موسم تمہارا منتظر ہے۔۔۔۔۔۔۔۔
پکچرگیلری
Advertisement
پاکستان میں فٹبال کے فروغ کیلئے انٹرنیشنل سوکا فیڈریشن کا قیام، ٹرنک والا فیملی کو خراج تحسین
برمنگھم... عالمی فٹبال کے پاکستان پر دروازے بند ہونے کے بعد انٹرنیشنل سوکا فیڈریشن نے پاکستانی عوام کو خوشخبری سنائی ہے کہ اس سال ہونے والے ورلڈ کپ میں پاکستانی ٹیم بھی شامل ہوگی، فٹبال سے پیار کرنے والے پاکستانی عوام کیلئے یہ تاریخ ساز اقدام ٹرنک والا فیملی کی خصوصی کاوشوں سے انجام پایا ہے۔ انٹرنیشنل سوکا فیڈریشن (آئی ایس ایف) کا پہلا اجلاس برمنگھم میں ہوا جس میں دنیا بھر کے مختلف ملکوں سے 52 نمائندوں نے شرکت کی۔ شرکاء نے 5، 6، 7 اور 8 سائیڈ فٹبال فارمیٹ کے لئے عالمی فیڈریشن کے قیام کا متفقہ طور پر خیرمقدم کیا اور اس کاوش اور اس کی حمایت پر ٹرنک والا فیملی کا شکریہ ادا کیا۔ فیڈریشن کا مقصد دنیا بھر میں چھوٹی سائیڈ کے فٹبال کے 2.1 ارب کھلاڑیوں کی نمائندگی کرنا ہے۔ شرکاء نے آئی ایس ایف کے عہدیداروں باالخصوص نائب صدر شاہزیب ٹرنک والا اور تھانوس پاپاڈوپولس جوائنٹ سی ای او کو فیڈریشن میں ان کے کردار پر شکریہ ادا کیا۔ شرکاء سے خطاب کرتے ہوئے آئی ایس ایف کے جوائنٹ سی ای او تھانوس پاپاڈوپولس نے کہا کہ آئی ایس ایف کا مقصد غیرمراعات یافتہ لیکن باصلاحیت لوگوں کو اس خوبصورت کھیل میں لانا ہے جس کے لئے انہوں نے پاکستان کے علاقے لیاری کی مثال دی جسے چھوٹا برازیل کا نام دیا جاتا ہے اور جو ٹیلنٹ سے بھرپور ہے۔ پاپاڈوپولس نے پاکستان میں فٹبال کی سرگرمیوں کی بہتری میں ٹرنک والا فیملی کے نمایاں کردار کا بھی ذکر کیا۔ آئی ایس ایف کی جانب سے اکتوبر 2018 میں لزبن، پرتگال میں ہونے والے پہلے عالمی کپ کے شیڈول کی منظوری بھی دی گئی۔ اس موقع پر فیصلہ کیا گیا کہ آئی ایس ایف کی جانب سے 2019 میں کئی بین الاقوامی اور علاقائی ٹورنامنٹ کرائے جائیں گے جن میں یورپین چیمپینز کپ بھی شامل ہو گا۔ نائب صدر شاہزیب ٹرنک والا نے بتایا کہ پاکستان انٹرنیشنل سوکا فیڈریشن کا رکن بن چکا ہے اور پاکستانی ٹیم 2018 کے عالمی کپ میں کھیلے گی۔