مقبول خبریں
انتخابات کے بعد ن لیگ اور پیپلز پارٹی سے اتحاد نہیں ہو سکتا: چیئرمین تحریک انصاف
مسئلہ کشمیرتسلیم شدہ بین الاقوامی کیس ، جسے حل کروانا اقوام متحدہ کی ذمہ داری :راجہ فارو ق حیدر
مسئلہ کشمیر پر سیاستدانوں سے حمایت کیلئے جموں کشمیر تحریک حق خود ارادیت کی سرگرمیوں میں تیزی
میاں محمد نوازشریف اور مریم نواز کی 7 دن کیلئے حاضری سے استثنیٰ کی درخواست مسترد
مقبوضہ کشمیر میں ایک اور نوجوان جعلی مقابلے میں شہید: جگہ جگہ مظاہرے
پیپلزپارٹی نوٹنگھم کے سابق صدر چوہدری علی شان پی پی پی برطانیہ کے نائب صدر منتخب
سلائو کی میئر عشرت شاہ کا لاہور میں اوور سیز پاکستانیز کمیشن پنجاب کے دفاتر کا دورہ
جموں و کشمیر تحریک حق خود ارادیت انٹر نیشنل کا ہنگامی آزادی ریاست جموں و کشمیر پلان
خواب جھلستے جاتے ہیں اک معصوم سی لڑکی کے
پکچرگیلری
Advertisement
مقبوضہ کشمیر میں3نوجوانوں کی شہادت کے خلاف ہڑتال،شدید مظاہرے
سرینگر :مقبوضہ کشمیر میں بھارتی فوجیوں کے ہاتھوں تین نوجوانوں کی شہادت پر پلوامہ میں مکمل ہڑتال کی گئی، ضلع میں تمام دکانیں اور کاروباری ادارے بند رہے جبکہ سڑکوں پر گاڑیوں کی آمدو رفت معطل تھی۔ قابض انتظامیہ نے بھارت مخالف مظاہرے روکنے کیلئے ضلع میں موبائل اور انٹرنیٹ سروسز معطل کردیں۔ بھارتی فوجیوں نے گزشتہ رات ضلع پلوامہ کے علاقے اگلر کنڈی میں محاصرے اور تلاشی کی ایک کارروائی کے دوران تین نوجوانوں کو شہیدکردیا تھا۔ نوجوانوں کی شہادت پر علاقے میں زبردست احتجاجی مظاہرے پھوٹ پڑے ۔ بھارتی پولیس نے دعویٰ کیاہے کہ نوجوان بھارتی فوجیوں کیساتھ ایک جھڑپ میں مارے گئے اور مرنے والوں میں مولانا مسعود اظہر کا بھتیجا طلحہ رشید بھی شامل ہے ۔ اس سے پہلے اسی علاقے میں ایک فوجی ورہما پال سنگھ ہلاک ہوگیا تھا۔ بھارتی میڈیا کے مطابق کالعدم جیش محمد کے ترجمان نے اپنے بیان میں بھارتی فوج کیساتھ جھڑپ میں مسعود اظہر کے بھتیجے طلحہ راشد کے شہید ہونے کی تصدیق کی جبکہ شہید ہونیوالے دیگر نوجوانوں کی جماعت کے ڈویژنل کمانڈر محمد بھائی اور وسیم کے ناموں سے شناخت ظاہر کی گئی ۔ بھارتی فوج کے سربراہ جنرل بپن راوت نے کہا طلحہ رشید کے مارے جانے کی خبر سے یہ ثابت ہوتا ہے کہ عسکریت پسندوں کو سرحد پار سے مدد مل رہی ہے ۔دریں اثنا اڑی میں اتوار کو کمل کوٹ سیکٹر میں جاں بحق کئے گئے دو عدم شناخت جنگجوؤں کو قصبہ میں ٹی وی ٹاور کے نزدیک سپرد خاک کیا گیا،اس موقع پر لوگوں کی بڑی تعداد موجود تھی۔ادھر مشن کشمیر کے تحت بھارتی حکومت کے مذاکرات کار برائے جموں وکشمیر دنیشورشرما نے مقبوضہ کشمیر میں ملاقاتیں شروع کردیں، جبکہ حریت کانفرنس نے انکشاف کیا ہے کہ کشمیر بارے بھارتی مذاکرات کار سے بات چیت کیلئے علی گیلانی پر دباؤ ڈالنے کی کوشش کی گئی ہے ۔ ایک بیان میں کہا گیا کہ بھارت کا ایک سرکاری نمائندہ حریت چیئرمین سے ملاقات کیلئے ان کی رہائشگاہ آیا تاہم حریت کانفرنس نے کہا اس طرح کے جبری مذاکرات کا کوئی اخلاقی یا سیاسی جواز نہیں ہوسکتا۔