مقبول خبریں
یورپی پارلیمنٹ کی انسانی حقوق کمیٹی کا مقبوضہ کشمیر میں انسانی حقوق کی خلاف ورزیوں پر ہیئرنگ کا فیصلہ
بیسٹ وے گروپ کے سربراہ سرانور پرویز کی جانب سے کمیونٹی رہنمائوں کے اعزاز میں استقبالیہ
نبوت بھی اﷲ کی عطا ہے اور صحابیت بھی، نبوت بھی ختم ہے اور صحابیت بھی: ڈاکٹر خالد محمود
ملک دشمن عناصر دہشتگردی کے ذریعے پاکستان میں الیکشن سبوتاژ کرنا چاہتے ہیں:عمران خان
مقبوضہ کشمیر :بھارتی فوج نے نوجوان کا سر تن سے جدا کر دیا ،احتجاج،جھڑپیں
شیر خدا نے نبی پاک کی آواز پر لبیک کہہ کر اسلام سے محبت اور وفا کی عمدہ مثال قائم کی
پیپلزپارٹی ہی آئندہ انتخابات میں چاروں صوبوں میں اکثریت حاصل کریگی:میاں سلیم
مسئلہ کشمیر پرقوم کا نکتہ نظر اور قربانیاں رنگ لا رہی ہیں:جموں کشمیر تحریک حق خود ارادیت
نیا موسم تمہارا منتظر ہے۔۔۔۔۔۔۔۔
پکچرگیلری
Advertisement
سکاٹ لینڈ میں رائے شماری کی طرح کشمیریوں کو بھی حق خود ارادیت دیا جائے: چوہدری یاسین
نیلسن:مقبوضہ کشمیر میں تقریباً پچانوے فیصد آبادی مسلمانوں کی ہے،بھارت نے وہاں پر آٹھ لاکھ فوجی تعینات کئے ہوئے ہیں جبکہ پورے پاکستان میں6لاکھ فوجی ہیں،مقبوضہ کشمیر میں نوجوانوں کو بینائی سے محروم کرنے کے واقعات میں بے پناہ اضافہ ہوا ہے اور انہیں سیدھی گولیاں ماری جا رہی ہیں،وہاں پر شہادت پانے والوں کو پاکستان کے پرچم میں لپیٹ کر سپرد خاک کیا جاتا ہے جو کشمیریوں کا پاکستان سے والہانہ محبت کا اظہار ہے اور اس بات کی نشاندہی کرتا ہے کہ وہ پاکستان کا حصہ بننا چاہتے ہیں،ان خیالات کا اظہار آزاد کشمیر کے اپوزیشن لیڈر و سابق سینئر وزیر چوہدری محمد یاسین نے نیلسن ٹائون ہال میں ملک محمد مالک،محمد یونس،محمد زمان،محمد فاروق،عبدالرشید کی جانب سے دیئے گئے ایک ظہرانے کے موقع پر کیا،انہوں نے مزید کہا کہ پاکستان کشمیریوں کا وکیل ہے سابق وزیر اعظم میاں نواز شریف نے بھارت میں سرمایہ کاری کر کے ذاتی مفادات کو تحفظ دیا اور مسئلہ کشمیر کو سرد خانے کی زینت بنا دیا گیا جو کہ انتہائی افسوس ناک تھا،انہوں نے کہا کہ برطانیہ کی ذمہ داری ہے کہ وہ کشمیریوں کی اخلاقی طور پر مدد کریں اور جس طرح سکاٹ لینڈ کی عوام کو علیحدہ ملک کیلئے رائے شماری کا حق دیا گیا اسی طرح کشمیریوں کو بھی اقوام متحدہ کی قراردادوں کی روح کے عین مطابق پیدائشی حق خود ارادیت دیا جائے،انہوں نے کہا کہ برطانیہ بھر میں بسنے والے نوجوان کشمیری اس سلسلے میں انتہائی اہم کردار ادا کر سکتے ہیں کیونکہ آج کل سوشل میڈیا کا دور ہے وہ اسکا موثر طریقے سے استعمال کر سکتے ہیں ہمیں انہیں مسئلہ کشمیر سے ہم آہنگ کرنا ہو گا،خطہ کشمیر کے حوالہ سے انہوں نے بتایا کہ انکی حکومت میں اپنے حلقہ انتخاب میں کالجز کا جال بچھایا اسی طرح ریاست میں میڈیکل کالجز قائم کئے تاکہ کشمیری طالب علموں کا استحصال نہ ہو اور انہیں ڈاکٹر بننے میں دشواری پیش نہ آئے کیونکہ معاشرے کی تعمیر و ترقی کا دار و مدار تعلیم کے میدان میں انقلاب ہے،نیلسن کونسل کے لیڈر کونسلر محمد اقبال نے کہا کہ مقبوضہ کشمیر میں بھارتی افواج نہتے کشمیریوں پر ظلم کے پہاڑ ڈھا رہی ہے،عورتوں کی عصمت دری کی جا رہی ہے،برطانیہ میں بسنے والے کشمیریوں کی اخلاقی اور اولین ذمہ داری ہے کہ وہ ہر طرح کی ممکن مدد کریں،نیلسن کے میئر ڈیوڈ ولی نے شکریہ ادا کیا،محمد اشفاق نے تلاوت کلام پاک کا شرف حاصل کیا،محمد اسلم،محمد ارشد،چوہدری منظور،مدثر شاہ،حاجی عبدالغفور،سالیٹر محمد کلیم،کونسلر اسجد کے علاوہ دیگر سیاسی و سماجی اور کمیونٹی راہنمائوں نے شرکت کی۔خصوصی رپورٹ:فیاض بشیر