مقبول خبریں
مسرت چوہدری اور اختر چوہدری کا لارڈ مئیر عابد چوہان کے اعزاز میں ظہرانہ
پاکستان پریس کلب یوکے کے سالانہ انتخابات اور تقریب حلف برداری
چیئرمین پی آئی ایچ آرچوہدری عبدالعزیز کوسوک ایوارڈ فار کمیونٹی سروسز سے نواز گیا
برطانوی شاہی جوڑے کی پاکستان میں زبردست پذیرائی، وزیر اعظم اور صدر مملکت سے ملاقاتیں
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
اسرار احمد راجہ کی کتاب کی تقریب رونمائی ،مئیر آف لوٹن کونسلر طاہر ملک ودیگرافراد کی شرکت
پارک ویو کمیونٹی سنٹر شہیر واٹر میں ہمنوا یو کے کے زیرِ اہتمام یوم آزادی پاکستان تقریب کا انعقاد
ہر انسان کو اس کے مذہب کے مطابق تدفین کی اجازت ملنی چاہئے: سعیدہ وارثی و دیگر
Corona virus
پکچرگیلری
Advertisement
ٹیلرسن کی وزیراعظم سے ملاقات، آرمی چیف اور ڈی جی آئی ایس آئی بھی موجود
اسلام آباد:وزیر اعظم شاہد خاقان عباسی سے امریکی وزیر خارجہ ریکس ٹیلرسن نے وزیر اعظم ہاؤس میں ملاقات کی۔ ملاقات میں وزیر خارجہ، وزیر دفاع، سیکرٹری خارجہ، آرمی چیف اور ڈی جی آئی ایس آئی بھی موجود تھے۔ ملاقات میں دو طرفہ تعلقات اور خطے کی صورتحال پر تبادلہ خیال کیا گیا۔ملاقات میں پاک امریکہ تعلقات اور دہشتگردی کے خلاف جنگ کے معاملات پر تبادلہ خیال کیا گیا۔ ذرائع کے مطابق، وزیر اعظم نے امریکی وزیر خارجہ کو دہشتگردی کے خلاف کئے گئے اقدامات سے آگاہ کیا اور کہا کہ پاکستان نے دہشگردی کے خلاف جنگ میں کسی بھی ملک سے زیادہ قربانیاں دی ہیں۔یاد رہے کہ پاکستان پہنچنے سے پہلے گزشتہ روز ریکس ٹیلرسن نے پاکستان سے تمام تر تعلقات کا انحصار طالبان کے خلاف ایکشن سے مشروط کر دیا تھا۔ دوسری جانب، گزشتہ روز بگرام ایئربیس پر ریکس ٹیلرسن سے ملاقات کرنے والے افغان صدر اشرف غنی بھی نئی دہلی پہنچ گئے ہیں۔کیا ڈو مور کی آڑ میں پاکستان کے خلاف پھر گھیرا تنگ کرنے کی کوششیں جاری ہیں؟ طالبان کو مذاکرات کی دعوت دینے والا امریکہ پاکستان کو ایکشن لینے پر کیوں مجبور کر رہا ہے؟ کیا امریکہ اپنی تمام تر ناکامیوں کا ملبہ پاکستان پر ڈالنا چاہتا ہے؟وزیر اعظم نے امریکی وزیر خارجہ سے ملاقات میں کہا کہ پاکستان نے دہشت گردی کے خلاف جنگ میں بڑی کامیابیاں حاصل کیں اور جیت کیلئے پرعزم ہیں، دہشتگردی کے خاتمے کیلئے دو طرفہ تعاون اور اقتصادی تعلقات کا فروغ چاہتے ہیں۔امریکی وزیر خارجہ کا کہنا تھا کہ پاکستان امریکا کیلئے اہمیت کا حامل ہے، خطے کی سکیورٹی اور قیام امن کیلئے پاکستان کا کردار انتہائی ضروری ہے، پاکستان کے ساتھ امریکہ کے سٹریٹجک تعلقات ہیں جو مشترکہ اہداف کے حصول کیلئے اہم ہیں۔امریکی وزیر خارجہ کے دورے کے بعد امریکی سفارتخانے کی جانب سے جاری کردہ اعلامیے میں کہا گیا ہے کہ دو طرفہ تعلقات مشترکہ اہداف کے حصول کیلئے اہم ہیں اور پاکستان سے دہشتگردی کے خاتمے کیلئے کہا گیا ہے۔