مقبول خبریں
راجہ طاہر مسعود کو ملکہ برطانیہ کی طرف سے کمیونٹی کی خدمات پر برٹش ایمپائر میڈل سے نوازا گیا
برطانیہ میں پاکستانی ہائی کمشنر کی جانب سے پاکستانی کمیونٹی کیلئے عید الفطر اوپن ہائوس کا اہتمام
مسلم ہینڈز انٹرنیشنل کی جانب سے شامی تارکین وطن کیلئے خوراک کا کانوائے روانہ کر نے کی تقریب
چیئرمین تحریک انصاف عمران خان بھی کروڑوں روپے کے اثاثوں کے مالک
محبوبہ مفتی کی حکومت ختم، صدر رام ناتھ کووند نے گورنر راج نافذ کر دیا
شیر خدا نے نبی پاک کی آواز پر لبیک کہہ کر اسلام سے محبت اور وفا کی عمدہ مثال قائم کی
پیپلزپارٹی ہی آئندہ انتخابات میں چاروں صوبوں میں اکثریت حاصل کریگی:میاں سلیم
پاکستان کشمیر ویلفیئر ایسوسی ایشن کے ڈائریکٹر پروفیسر فیاض رشید و دیگر کا عید ملن پارٹی کا اہتمام
وصال و ہجر کا قصہ بہت پرانا ہے
پکچرگیلری
Advertisement
ہمیں حضرت محمدؐ کے بتائے ہوئے احکامات پر عمل کرنا چاہئے:شیخ احمد دباخ
اولڈہم:ایک عورت کو تعلیم کے زیور سے آراستہ کرنا دینی و دنیاوی علوم پر عبور حاصل کرنے کا مطلب آنے والی نسلوں کی تعلیم و تربیت ہے اور ہمارے مذہب اسلام میں عورت کے مقام اور کردار کی اہمیت کو بنیادی حیثیت کا حامل ہے،ماں بچے کی پہلی درسگاہ ہوتی ہے اسی سوچ و فکر کے جذبہ کو مد نظر رکھتے ہوئے جامعہ محمدیہ کی بنیاد رکھی گئی تاکہ وہاں پر صرف بچیوں اور خواتین کو تعلیم دیکر ایک بہترین معاشرے کی بنیاد رکھی جائے تاکہ اس وجہ سے معاشرتی برائیوں سے بھی بچا جا سکے،اسلام ایک مکمل ضابطہ حیات ہے،ہمارے پیغمبران نے بھی ہمیں یہی درس دیا ہے کہ دوسرے مذاہب کی عزت و احترام لازم ہے انسانیت کی خدمت ہی دراصل جذبہ ایمانی ہے یہ باتیں شیخ احمد دباخ نے جامعہ محمدیہ کی سالانہ تقسیم اسناد کے موقع پر ایسٹرن پویلین ہال اولڈہم میں حاضرین سے خطاب کرتے ہوئے کیں،انہوں نے مزید کہا ہمیں حضرت محمدؐ کے بتائے ہوئے احکامات پر عمل کرتے ہوئے دوسروں کے ساتھ اچھا برتائو کرنے کے ساتھ ایسا سلوک کرنا چاہئے جس سے انہیں نقصان نہ پہنچے،ایک دوسرے کے ساتھ باہمی روابط کو فروغ دیتے ہوئے مثبت طرز عمل کو اپنانا چاہئے،دل و دماغ اور آنکھوں سے دوسرے کو فائدہ پہنچانا چاہئے،انسانی طرز عمل سے ہی بہترین معاشرے کا وجود عمل میں آتا ہے،انہوں نے کہا کہ برما میں مسلمانوں پر ڈھائے جانے والے جانوروں سے بھی بد تر مظالم جس طرح انکو جلایا اور سر عام ذبح کیا جا رہا ہے،عالم اقوام کے ساتھ ساتھ عالم اسلام کے لئے بھی لمحہ فکریہ ہے اس پرسرح مہری مجرمانہ فعل ہے جو یہ سب کچھ دیکھ کر بھی صدائے احتجاج بلند نہ کرے اس جہاں اور دوسرے جہاں میں بھی اس سے سخت پوچھ گچھ ہو گی ہم سب کا اولین فرض ہے کہ اس بارے کردار ادا کرنے کیلئے تمام تر وسائل کو بروئے کار لائیں،فادر فل سمنر جو کہ اولڈہم بین المذاہب فورم کے رکن ہیں انہوں نے کہا کہ برطانیہ بھر میں بسنے والے مسلمان امن پسند اور انسان دوست ہیں کمیونٹی کی خدمت کرتے رہیں گے،برطانوی پارلیمنٹ کے رکن جم میکمان نے کہا کہ اولڈہم میں بسنے والے مسلمان امن پسند،مہمان نواز اور برطانوی معاشرے کے اہم ترین شہری ہیں برما میں ہونے والے مظالم قابل مذمت ہیں بد قسمتی سے اس بارے ہماری حکومت نے ابھی تک کچھ نہیں کیا، پارلیمنٹ میں اس بارے وہ ضرور آواز اٹھائیں گے،تقریب کی نظامت مفتی حلال نے سر انجام دی،تلاوت کلام پاک و نعت کا شرف روجہ کو نصیب ہوا،جامعہ محمدیہ کے معلم شفیق،اولڈہم کونسل چیئر مین لوکل چلڈرن سیف گاڈنگ،ہیری گلر،کونسلر زاہد،طاہرہ،پروفیسران گریوز نے بھی خطاب کیا،جامعہ محمدیہ برطانیہ بھر کے مختلف شہروں کے سنٹرز سے تعلیم حاصل کرنے والی طالبات کو اسناد بھی دی گئیں،اس تقریب میں طالبات کے والدین کے علاوہ خواتین و مرد حضرات نے بھرپور شرکت کی،مقامی رکن راجہ ظفر اور دیگر انتظامیہ کے اراکین نے مہمانان گرامی،حاضرین کا شکریہ ادا کرتے ہوئے طالبات کو مبارکباد دی۔خصوصی رپورٹ:فیاض بشیر