مقبول خبریں
انصاری سالسیٹر کے طاہر انصاری کی سیاسی ،کاروباری اور مذہبی شخصیات کے اعزاز میں افطار پارٹی
پیغام پاکستان فتویٰ دہشت گردی کیخلاف متفقہ قومی بیانیہ کا کردار ادا کرسکتا ہے: قاری صداقت علی
پیٹر برا کے سابق لارڈ میئر محمد ایوب کا پاک سر زمین پارٹی میں شمولیت کا اعلان
مسئلہ کشمیر کا حل مذاکرات کے بغیر ممکن نہیں، سابق وزیرِاعلیٰ میاں شہباز شریف
اقوام متحدہ: مقبوضہ کشمیر میں انسانی حقوق کی خلاف ورزیوں پر کمیشن بنانے کی تجویز
شیر خدا نے نبی پاک کی آواز پر لبیک کہہ کر اسلام سے محبت اور وفا کی عمدہ مثال قائم کی
پیپلزپارٹی ہی آئندہ انتخابات میں چاروں صوبوں میں اکثریت حاصل کریگی:میاں سلیم
جموں کشمیر تحریک حق خودارادیت کا نو منتخب کونسلروں میڈیا نمائندگان کے اعزاز میں افطار ڈنر
دشمنوں کے درمیان ایک کتاب
پکچرگیلری
Advertisement
مسئلہ کشمیر کے حل کے بغیر خطہ میں امن قائم نہیں ہو سکتا: افضل خان، ربیکا لانگ بیلی
مانچسٹر:مسئلہ کشمیر تقسیم پاک و ہند کے وقت برطانیہ کی طرف سے ایک چھوڑا گیا ادھورا ایجنڈا ہے،لہٰذا برطانوی حکومت و سیاستدانوں کی دوہری ذمہ داری ہے کہ وہ اس بنیادی مسئلہ کو حل کروانے میں اپنا کردار ادا کریں،برطانوی پارلیمنٹ کے اندر مختلف سیاسی جماعتوں کی حمایت حاصل کرنے کیلئے اس بارے بھرپور کوشش جاری رہے گی،برطانوی سیاستدانوں کے ساتھ ساتھ میڈیا کو بھی بھارت کی جانب سے مقبوضہ کشمیر میں کھلے عام مظلوم اور نہتے لوگوں پر ڈھائے جانے والے وحشیانہ مظالم بارے آگاہی دینا انتہائی ضروری ہے تاکہ عالم اقوام تک کشمیری قوم کی آواز پہنچ سکے،ان خیالات کا اظہار برطانوی پارلیمنٹ کے ممبران افضل خان اور ربیکا لانگ بیلی نے مسلم کانفرنس برطانیہ کے صدر چوہدری بشیر احمد رٹوی کی جانب سے مقامی ہال میں رکھی گئی کشمیر کانفرنس کے موقع پر کیا،انہوں نے مزید کہا کہ اس مسئلہ کے پائیدار حل کے بغیر خطہ میں امن قائم نہیں ہو سکتا،پاکستان،بھارت ایٹمی طاقتیں ہیں ذرا سی کوتاہی کسی بڑے سانحہ کا پیش خیمہ ثابت ہو سکتی ہے لہٰذا اقوام متحدہ کی اولین ذمہ داری ہے اور برطانیہ کا اخلاقی حق بنتا ہے کہ وہ اس بارے اپنا کردار ادا کرتے ہوئے کشمیریوں کو حق خود ارادیت دلوائیں،کل جماعتی حریت کانفرنس کے کنوینئر یوسف نسیم نے کہا کہ مقبوضہ کشمیر کے زمینی حقائق کو اگر مد نظر رکھا جائے تو اصولی اور اخلاقی طور پر بھارت بوکھلاہٹ کا شکار ہے اور جنگ ہار چکا ہے،شبیر مغل ایڈووکیٹ نے کہا کہ مقبوضہ کشمیر میں تحریک آزادی کشمیر کا علم بلند کرنے والے دہشت گرد نہیں بلکہ آزادی کیلئے جدو جہد کر رہے ہیں،چوہدری بشیر احمد رٹوی نے کہا کہ بھارتی جارحیت اور مقبوضہ کشمیر میں انسانی حقوق کی تاریخی پامالی بارے دنیا بھر میں آگاہی دینے کیلئے ایسی کانفرنسز کا انعقاد تواتر کے ساتھ ہونا چاہئے،کونسلر تفہیم نے بھی خیالات کا اظہار کیا،سید باسط شاہ مشوانی نے کہا بین الاقوامی سطح پر مسئلہ کشمیر میں مزید موثر طور پر اٹھانے کیلئے عالمی میڈیا کی توجہ دلوانا نا گزیر ہے،شرکاء تقریب نے کشمیریوں کے اصولی موقف حق خود ارادیت کی بھرپور حمایت کی،مختلف سیاسی جماعتوں کے راہنمائوں نے بھی شرکت کی۔خصوصی رپورٹ:فیاض بشیر