مقبول خبریں
پاکستان پریس کلب برطانیہ یارکشائیر ریجن کا سہیل وڑائچ کے اعزاز میں استقبالیہ
پاکستان اور بھارت میں واقعی برابری کہاں ؟ ایک طرف محبت دوسری طرف نفرت
پاکستانی نژاد پیشہ ورانہ ماہرین اور طلبہ جہاں بھی ہوں اقدار کی پاسداری کریں: نفیس زکریا
برطانوی شاہی جوڑے کی پاکستان میں زبردست پذیرائی، وزیر اعظم اور صدر مملکت سے ملاقاتیں
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
حلقہ ِ ارباب ِ ذوق کے ادبی پروگرام میں پاکستانیوں اور کشمیری کونسلرز کی بڑی تعداد میں شرکت
پارک ویو کمیونٹی سنٹر شہیر واٹر میں ہمنوا یو کے کے زیرِ اہتمام یوم آزادی پاکستان تقریب کا انعقاد
قومی برطانوی انتخابات میں کشمیر دوست امیدواران کو ووٹ دینے بارے آگاہی میٹنگ
سہمے ہوئے لوگوںسے بھی خائف ہے زمانہ
پکچرگیلری
Advertisement
حسین شہید سرور کا سجادہ نشین بساہاں شریف پیر سید علی رضابخاری کے اعزاز میں استقبالیہ
لوٹن:سیاسی وسماجی شخصیت سید حسین شہید سرورنے گذشتہ روزمسلم لیگ ن آزادکشمیرکے مرکزی رہنماء رکن آزادکشمیراسمبلی اور سجادہ نشین دربارعالیہ بساہاں شریف پیر سید علی رضابخاری کے اعزازمیں اپنی رہائش گاہ کاغان ہاؤس لوٹن میں شانداراستقبالیہ دیا۔پیرسید علی رضابخاری جوآزادکشمیرکی سیاست کے ساتھ ساتھ مذہبی اور روحانی حلقوں میں بھی احترام کی نگاہ سے دیکھے جاتے ہیں، ان دنوں برطانیہ کے دورے پر ہیں۔استقبالیہ کے دوران مہمان اور میزبان کے علاوہ دیگر متعدد شخصیات موجودتھیں جن میں لارڈقربان حسین، سابق سیکرٹری قانون آزادکشمیر سیدعطا محی الدین قادری، میئرلوٹن محمد ایوب چوہدری ، ضلع کوٹلی کے ایڈمنسٹریٹرسردار رؤف خان، علامہ قاضی عبدالعزیزچشتی، حافظ اعجاز، پروفیسرمسعوداختر ہزاروی، روزنامہ خبریں راولپنڈی بیوروکے امتیازبٹ، ڈاکٹرسیدمحمود شاہ، ڈاکٹر رضوان بٹ، سابق کونسلر ریاض بٹ، کونسلر وحید اکبرراجہ، سابق ڈپٹی میئرکونسلر طاہرملک، شہزادعلی چوہدری، محمودملک، ایاز ملک، مظفربیگ، عمیرراٹھور اور ملک عمرفاروق ایڈوکیٹ قابل ذکر ہیں۔ اس موقع پر پیرسید علی رضابخاری نے کہاکہ اس وقت کشمیریوں کو متحد ہوکر مسئلہ کشمیرکو دنیاکے سامنے پیش کرناہے۔ مقبوضہ کشمیرکے مظلوم بھارتی درندگی کا شکارہیں اور بھارتی قابض افواج نے ان پر مظالم کی انتہاء کردی ہے۔کنٹرول لائن پر رہنے والے آزادکشمیرکے عوام بھی بھارتی جارحیت سے محفوظ نہیں۔انھوں نے کہاکہ خاص طورپر بیرون دنیابشمول برطانیہ و دیگر یورپ میں مقیم کشمیریوں کو چاہیے کہ مسئلہ کشمیرپر اپنی وحدت اور اتفاق کا مظاہرہ کریں اور بھرپورطریقے سے دیرینہ قضیہ کشمیرخصوصاً کشمیریوں پر بھارتی مظالم کو مہذب دنیا کے سامنے بے نقاب کریں۔انھوں نے اپنے اعزاز میں استقبالیہ کا اہتمام کرنے پر سید حسین شہید سرور کا شکریہ اداکیا۔ اس موقع پر سید حسین شہید سرور نے بھی پیرسید علی رضابخاری کا خیرمقدم کرتے ہوئے آزادکشمیرمیں ان کی سیاسی ، سماجی اور دینی خدمات کو سراہا۔ انھوں نے پیرعلی رضابخاری کے خیالات کی تائید کرتے ہوئے کہاکہ مسئلہ کشمیرپر کشمیریوں کی وحدت کی اشد ضرورت ہے۔ ہم اتحاد کے بغیر کشمیرکازکو آگے نہیں بڑھاسکتے۔اس دورا ن آزادکشمیرکی سیاست پر بھی بات ہوئی اور اس امر پر زور دیاگیاکہ عوامی مسائل کو ترجیح بنیادوں پر اور بلاتفریق حل کیاجائے۔