مقبول خبریں
جموں وکشمیر تحریک حق خود ارادیت انٹر نیشنل خواتین کے عالمی دن کے حوالے سے تقریبات منعقد کریگی
برطانیہ میں اپنی صلاحیتیں منوانے کے جتنے مواقع ہیں کسی اور ملک میں نہیں: رحمان چشتی و دیگر
پاکستان میں فٹبال کے فروغ کیلئے انٹرنیشنل سوکا فیڈریشن کا قیام، ٹرنک والا فیملی کو خراج تحسین
وزارتِ عظمیٰ کے بعد نواز شریف مسلم لیگ ن کی صدارت سے بھی فارغ
بھارتی ریاستی دہشتگردی کیخلاف مقبوضہ کشمیر میں ہڑتال، تعلیمی ادارے بند
کشمیر میں جاری انسانی حقوق کی پامالیوں کو رکوانے کے سلسلہ میں پروگرام کا انعقاد
اوورسیز پاکستانیز ویلفیر کونسل کے زیراہتمام یوم یکجہتی کشمیر پر کار ریلی کا انعقاد
راجہ نجابت اور ان کی ٹیم کامسئلہ کشمیرپر متحرک کردار قابل ستائش ہے: سٹوورٹ اینڈریو
عمران خان مارگریٹ اور میں
پکچرگیلری
Advertisement
پاک فوج کا پاناما جے آئی ٹی سے براہ راست کوئی تعلق نہیں: آئی ایس پی آر
راولپنڈی::ڈی جی آئی ایس پی آر آصف غفور نے کہا ہے کہ سیاسی باتیں صرف سیاسی دائرہ کار میں ہوتی ہیں۔ پاک فوج صرف ملک کے دفاع کیلئے کام کر رہی ہے۔ یہ کہنا کہ پاک فوج کسی سازش کا حصہ ہے، یہ سوال ہی بے معنی ہے۔ انہوں نے دو ٹوک الفاظ میں واضح کیا کہ پاناما کیس کے حوالے سے جے آئی ٹی سپریم کورٹ کے حکم سے بنائی گئی تھی، پاک فوج کا اس سے براہ راست کوئی تعلق نہیں ہے۔ جے آئی ٹی میں شامل پاک فوج کے ارکان نے ایمانداری سے اپنا کام کیا۔ ان کا کہنا تھا کہ فوج صرف ملک میں آئین کی عملداری چاہتی ہے۔ ہم صرف وہ کام کر رہے ہیں جو پاکستان کی سیکیورٹی اور امن واستحکام کیلئے انتہائی ضروری ہے۔پاک فوج کے ترجمان میجر جنرل آصف غفور کا پریس کانفرنس کرتے ہوئے کہنا تھا کہ دہشتگردوں کے گرد گھیرا مزید تنگ کرتے ہوئے پاک فوج نے خیبر ایجنسی کے علاقے راجگال میں آپریشن خیبر 4 کا آغاز کر دیا ہے۔ آپریشن کا مقصد سرحد پار موجود داعش کو پاکستانی علاقوں میں کارروائیوں سے روکنا ہے۔ انہوں نے واضح کیا کہ داعش کا بطور تنظیم پاکستان میں کوئی وجود نہیں ہے تاہم راجگال کے افغانستان کے منسلک علاقے میں داعش کی موجودگی بڑھتی جا رہی تھی جبکہ پارا چنار واقعے میں گرفتار افراد کے داعش سے رابطے کے شواہد ملے ہیں۔ ڈی جی آئی ایس پی آر نے بتایا کہ افغانستان سے منسلک سرحد پر باڑ لگائی جائے گی جس کا مقصد بارڈر مینیجمنٹ کو بہتر اور محفوظ کرنا ہے۔میجر جنرل آصف غفور نے کہا کہ اس سے قبل آپریشن ضرب عضب کے دوران ہم نے دہشتگردوں کے قبضے سے بہت سا علاقہ واگزار کروایا تھا، اس کے بعد ان علاقوں میں دہشتگردوں کے مکمل خاتمے کیلئے آپریشن خیبر فور کے آغاز کا فیصلہ کیا، امید ہے کہ اس آپریشن کے بعد ملک سے دہشتگردی کا مکمل خاتمہ ہو جائے گا۔ انہوں نے کہا کہ ملک میں دہشتگردی کے مکمل خاتمے کیلئے افغانستان کے ساتھ بارڈر کی سکیورٹی کو مزید بہتر بنایا جا رہا ہے تا کہ اس راستے سے دہشتگردوں کی پاکستان آمد کا سلسلہ روکا جا سکے۔ان کا کہنا تھا کہ پاکستان میں سرگرم دہشتگرد تنظیموں کا مقصد سی پیک کو نقصان پہنچانا ہے۔ دہشتگرد تنظیمیں اس پراجیکٹ کو کامیاب ہوتے نہیں دیکھ سکتیں، اس لئے وہ اس کو نقصان پہنچانے کی منصوبہ بندی کر رہی ہیں۔ پاک فوج کے ترجمان نے دوبارہ اس عزم کو دہرایا کہ ہم اس پراجیکٹ کو کسی صورت ناکام نہیں ہونے دیں گے اور اس روٹ کو مکمل محفوظ بنائیں گے۔ اس مقصد کیلئے پاکستان کی تمام مسلح افواج پوری طرح کوشش کر رہی ہیں۔ کسی بھی طرح دشمن کے ارادوں کو کامیاب نہیں ہونے دیا جائے گا۔کراچی آپریشن سے متعلق بات کرتے ہوئے انہوں نے کہا کہ آپریشن سے کراچی کے حالات بہتر ہوئے۔ دہشتگردی کے واقعات میں 98 فیصد اور ٹارگٹ کلنگ میں 97 فیصد کمی آئی۔