مقبول خبریں
مسرت چوہدری اور اختر چوہدری کا لارڈ مئیر عابد چوہان کے اعزاز میں ظہرانہ
پاکستان پریس کلب یوکے کے سالانہ انتخابات اور تقریب حلف برداری
چیئرمین پی آئی ایچ آرچوہدری عبدالعزیز کوسوک ایوارڈ فار کمیونٹی سروسز سے نواز گیا
برطانوی شاہی جوڑے کی پاکستان میں زبردست پذیرائی، وزیر اعظم اور صدر مملکت سے ملاقاتیں
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
اسرار احمد راجہ کی کتاب کی تقریب رونمائی ،مئیر آف لوٹن کونسلر طاہر ملک ودیگرافراد کی شرکت
پارک ویو کمیونٹی سنٹر شہیر واٹر میں ہمنوا یو کے کے زیرِ اہتمام یوم آزادی پاکستان تقریب کا انعقاد
ہر انسان کو اس کے مذہب کے مطابق تدفین کی اجازت ملنی چاہئے: سعیدہ وارثی و دیگر
Corona virus
پکچرگیلری
Advertisement
برٹش ہائی کمیشن اسلام آباد کے زیراہتمام منعقدہ تصویری مقابلہ یاسر محمود نے جیت لیا
لندن:پاک برطانیہ تعلقات کے 70 سال کی خوشی میں برٹش ہائی کمیشن اسلام آباد کے زیراہتمام منعقدہ تصویری مقابلہ یاسر محمود نے جیت لیا۔ فروری میں شروع ہونے والے اس مقابلے میں بے پناہ دلچسپی دیکھنے میں آئی اور برطانیہ اور پاکستان دونوں ممالک سے ایمیچور، سیمی پروفیشنل اور پروفیشنل فوٹوگرافروں سے 400 اعلیٰ معیار کی انٹریز موصول ہوئیں۔ یاسر محمود کو ان کی تصویر Let s Celebrate 70 years of relationship پر انعام کے طور پر فوٹوگرافی کے آلات دئیے جائیں گے۔ ججوں کے پینل میں کنٹری ڈائریکٹر برٹش کونسل پاکستان روزمیری ہل ہورسٹ، سینئر فوٹوگرافر اور اسسٹنٹ کنٹرولر کریئیٹو (آئی ٹی) پاکستان اظہر حفیظ اور فوٹو جرنلسٹ سارا فرید شامل تھے۔ برٹش ہائی کمشنر تھامس ڈریو سی ایم جی نے اس موقع پر مقابلے کے لئے تصویریں بھیجنے والے تمام افراد کا شکریہ ادا کیا اور کہا کہ معیار کافی بلند تھا اور یہ طے کرنا مشکل تھا کہ کس تصویر نے ہمارے موضوع Shared History and Shared Future کا بہترین انداز میں احاطہ کیا۔ انہوں نے بتایا کہ دوطرفہ تعلقات کے ستر سال کی خوشی میں ہم پورا سال مزید تقریبات اور مقابلوں کا اہتمام کریں گے۔ تصویری مقابلہ جیتنے والے یاسر محمود کا کہنا تھا کہ یہ مقابلہ جیتنے پر مجھے بہت خوشی ہوئی ہے۔ انہوں نے بتایا کہ میں نے اپنی تصویر میں نوجوان طلبہ کو لیا جو پاکستان کا مستقبل ہیں اور ہمارے تعلیمی نظام کے لئے برطانیہ کی معاونت سے بھی مستفید ہو رہے ہیں۔ یہ تصویر آئندہ ہفتے پاکستان میں ملکہ برطانیہ کی سالگرہ کے سلسلے میں ہونے والی تقریبات میں پیش کی جائے گی اور بعد ازاں پاکستان اور برطانیہ میں ہونے والی تصویری نمائشوں میں اسے شامل کیا جائے گا۔ یہ تصویر برطانیہ اور پاکستان کے درمیان ستر سالہ تعلقات کے سلسلے میں تیار کی جانے والی خصوصی تصویری کتاب میں بھی شائع کی جائے گی۔