مقبول خبریں
پاکستانی و کشمیری برطانوی شہریوں کا تمام شعبہ جات میں نمایاں مقام باعث فخر ہے:افضل خان
عمران خان خود اپنی پارٹی کیلئے باعثِ شرمندگی ہے : ڈاکٹر اشرف ،ملک ریاض،شاکرقریشی
پاکستان میں فٹبال کے فروغ کیلئے انٹرنیشنل سوکا فیڈریشن کا قیام، ٹرنک والا فیملی کو خراج تحسین
وزارتِ عظمیٰ کے بعد نواز شریف مسلم لیگ ن کی صدارت سے بھی فارغ
بھارتی ریاستی دہشتگردی کیخلاف مقبوضہ کشمیر میں ہڑتال، تعلیمی ادارے بند
کشمیر میں جاری انسانی حقوق کی پامالیوں کو رکوانے کے سلسلہ میں پروگرام کا انعقاد
اوورسیز پاکستانیز ویلفیر کونسل کے زیراہتمام یوم یکجہتی کشمیر پر کار ریلی کا انعقاد
راجہ نجابت اور ان کی ٹیم کامسئلہ کشمیرپر متحرک کردار قابل ستائش ہے: سٹوورٹ اینڈریو
عمران خان مارگریٹ اور میں
پکچرگیلری
Advertisement
پاکستان ویمن چیمبر آف کامرس کے وفد کی پاکستان ہائی کمیشن آمد، کلچرل ایوننگ میں شرکت
لندن ... برطانیہ کے دورے پر آئے پاکستان ویمن چیمبر آف کامرس اینڈ انڈسٹری (ڈبلیو سی سی آئی) کے دس رکنی وفد نے لندن میں پاکستان کے ہائی کمشنر سید ابن عباس سے ملاقات کی۔ بانی چیئرپرسن ڈبلیو سی سی آئی ڈاکٹر شہلا جاوید اکرم کی زیرقیادت وفد نے ہائی کمشنر کو بتایا کہ ان کے دورے کا اصل مقصد برطانیہ کی کاروباری برادری کے ساتھ کاروباری روابط استوار کرنا ہے تاکہ دونوں ملکوں کے درمیان دوطرفہ کمرشل تعلقات کو بہتر بنایا جا سکے۔ ہائی کمشنر نے وفد کا پرتپاک خیرمقدم کیا اور ان کے دورے کو کامیاب بنانے کے لئے اپنے بھرپور تعاون کا یقین دلایا۔ انہوں نے اس بات پر بالخصوص خوشی کا اظہار کیا کہ تمام خواتین پر مشتمل ایک تجارتی وفد نے پہلی بار یہ اقدام کیا ہے جو پاکستان کے بارے میں خیالات کو بہتر بنانے اور دونوں ملکوں کے درمیان تجارتی حجم میں اضافے کے لئے اہم کردار ادا کرے گا۔ ہائی کمشنر کی دعوت پر وفد کی ارکان نے ہائی کمیشن کی کلچرل ایوننگ میں بھی شرکت کی۔ 28 نومبر سے 3 دسمبر تک کے اس دورے کے دوران یہ وفد برطانیہ کے مختلف بزنس چیمبرز میں ملاقاتیں کرے گا۔ وفد میں ٹیکسٹائل، فارماسوٹیکل، خوراک اور تعلیم کے شعبوں کی نمائندگی کرنے والی خواتین شامل ہیں۔ وفد کی ارکان میں بانی صدر ڈبلیو سی سی آئی ڈاکٹر شہلا جاوید اکرم، فائزہ امجدسلمیٰ مدثر، مونیکا خالد پراچہ، شازیہ اعجاز، حمیرہ عدیل، سمبلین عثمان، طاہرہ علی، سعدیہ الکمال، اور فضیلہ جہانگیر شامل ہیں۔ (رپورٹ: مونا بیگ)