مقبول خبریں
راچڈیل کونسل کے مئیر کونسلر محمد زمان کا جشن آزادی اور مئیر چیریٹی فنڈ ریزنگ تقریب کا انعقاد
پاکستانی ہائی کمیشن لندن میں یوم آزادی پاکستان کی مناسبت سے پھولوں کی نمائش کا انعقاد
نبوت بھی اﷲ کی عطا ہے اور صحابیت بھی، نبوت بھی ختم ہے اور صحابیت بھی: ڈاکٹر خالد محمود
چیئرمین پی ٹی آئی عمران خان کا قومی اسمبلی کیلئے میانوالی کی نشست رکھنے کا فیصلہ
مقبوضہ کشمیر:ہڑتال،مظاہرے،جھڑپوں میں ایک جوان شہید،پیلٹ لگنے سے5زخمی
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
پیپلزپارٹی ہی آئندہ انتخابات میں چاروں صوبوں میں اکثریت حاصل کریگی:میاں سلیم
تحریک حق خود ارادیت انٹر نیشنل کے ساتھ ملکر کشمیر کانفرنس کا انعقاد کرینگے :کرس لیزلے و دیگر
دعائیں دل سے نکلتی ہیں التجا بن کر!!!!!!!!!!!
پکچرگیلری
Advertisement
سی پیک منصوبہ سے معاشی حالات تبدیل، دنیا کی ترقی کا رخ ایشیاء کی طرف ہو گا:احسن اقبال
آکسفورڈ:وفاقی وزیر پلاننگ احسن اقبال نے کہا ہے کہ سی پیک منصوبہ خطے کے معاشی حالات کو تبدیل کر دے گا جس سے دنیا کی معاشی ترقی کا رخ ایشیاء کی جانب مڑ جائے گا وہ آکسفورڈ یونیورسٹی میں پاک چائنہ کورڈور کے حوالے سے گفتگو کر رہے تھے احسن اقبال نے سی پیک کے بارے میں تفصیلی ذکر کرتے ہوئے بتایا کہ یہ منصوبہ چار حصوں پر مشتمل ہے جس کے باعث گوادر بندر گاہ نے کام شروع کر دیا ہے جبکہ آئندہ سالوں میں توانائی کے بحران کو ختم کرنے کے اقدامات کے ساتھ ساتھ صنعتی ترقی پر توجہ مرکوز کی جائے گی،ان کا کہنا تھا کہ پاکستان سیاسی طور پر مستحکم ہورہا ہے جب کہ ضرب عضب نے بھی دہشت گردی کی کمر توڑ دی ہے اگر سیاسی اور جمہوری دور کو جاری رکھا جاتا ہے تو کوئی وجہ نہیں کہ بہت جلد پاکستان ترقی و خوشحالی کے نئے دور میں داخل ہو جائے گا،اس موقع پر موجود طلبا نے سی پیک کے حوالے سے احسن اقبال سے سوالات بھی کئے جن کے جوابات میں انہوں نے یہ یقین دہانی کرائی کہ سی پیک سے جہاں پاکستان میں معاشی اور صنعتی ترقی ہو گی وہاں پاکستانی عوام کو صحت و تعلیم اور روز گار جیسی بنیادی سہولیات میں مزید بہتری آئے گی انہوں نے مزید کہا کہ بھارت اور افغانستان کو اس منصوبے سے خطرہ محسوس نہیں کرنا چاہئے بلکہ اس کی کامیابی سے پورے خطے میں خوشحالی اور معاشی استحکام کا دور شروع ہو گا جس کی کامیابی سے ترقی کے نئے راستے کھلیں گے،انہوں نے بتایا کہ محض گوادر کی بندر گاہ کے آغاز ہی سے پاکستان میں براہ راست سرمایہ کاری کرنے کے حوالے سے چین سر فہرست ہو چکا ہے وفاقی وزیر بعد ازاں پاکستان پریس کلب برطانیہ کے سابق صدر مبین چوہدری کی قیادت میں افضل چوہدری،چوہدری عابد اکرم،مسرت اقبال اور آفتاب بیگ پر مشتمل وفد سے بھی ملے جس میں باہمی امور اور صحافیوں کے مسائل پر تفصیلی گفتگو بھی کی گئی۔