مقبول خبریں
مانچسٹر ایرینا میں خود کش حملہ میں جاں بحق ہونیوالوں کی یا دمیں دعائیہ تقریب منعقد کی جائیگی
اسلامک ریلیف رنگ و نسل اور مذہب سے بالاتر ہوکرمشن کی جانب گامزن ہے:مقررین
مسجد دارالمنور گمکول شریف راچڈیل میں شب برات پر روحانی محفل کا انعقاد
بھارتی فوج کی ورکنگ باؤنڈری پرفائرنگ، خاتون اور 3 بچے شہید،10 زخمی
نئی دہلی: انتہا پسندوں نے کشمیری خواتین پر لاٹھیاں اور ڈنڈے برسا دیئے
پیپلزپارٹی نوٹنگھم کے سابق صدر چوہدری علی شان پی پی پی برطانیہ کے نائب صدر منتخب
پیپلزپارٹی ہی آئندہ انتخابات میں چاروں صوبوں میں اکثریت حاصل کریگی:میاں سلیم
قائد تحریک امان اللہ خان کی دوسری برسی، جموں کشمیر لبریشن فرنٹ کے رہنمائوں کا خراج عقیدت
اولڈ مین کی لالٹین
پکچرگیلری
Advertisement
جنرل سیکرٹری مسلم کانفرنس مہر النسا ء کا سابق میئر کی دعوت پر لوٹن ٹائون ہال کا دورہ
لوٹن:سابق ڈپٹی سپیکر آزادکشمیر اسمبلی،جنرل سیکرٹری مسلم کانفرنس مہر النسا ء نے سابق میئر لوٹن کونسلر ریاض بٹ کی دعوت پر لوٹن ٹائون ہال کا دورہ کیا،دورہ کے دوران میئر آف لوٹن کونسلر طاہر خان کی دعوت پر میئر پارلر میں بھی گئیں جہاں پر انہوں نے مہمانوں کی کتاب پر دستخط کئے اور اپنے تاثرات قلم بند کئے اس موقع پر مشیر آف لوٹن کونسلر طاہر خان نے انہیں خوش آمدید کہا اور لوٹن بار کونسل کے بارے میں تفصیلات بیان کرتے ہوئے کہا کہ یہاں مسلمان کونسلر اپنی ذمہ داریاں نہایت احسن طریقے سے نبھا رہے ہیں بعد ازاں مشیر آف لوٹن نے جنرل سیکرٹری مسلم کانفرنس مہر النساء کو انکی آزاد کشمیر کے اندر کاوشوں بالخصوص مہاجرین کی آباد کاری اور انکے حقوق پر آواز بلند کرنے پر خراج تحسین پیش کیا اور تعریفی سند بھی پیش کی،اس موقع پر جنرل سیکرٹری آل جموں و کشمیر مسلم کانفرنس مہر النساء نے میئر آف لوٹن،ڈپٹی میئر آف لوٹن و کونسلرز کا شکریہ ادا کرتے ہوئے کہا کہ دورہ برطانیہ کے دوران دوسری بار لوٹن ٹائون ہال کا دورہ یاد گار ترین رہا اور ایسا محسوس ہوا کے یہ میرا دوسرا گھر ہے،بعد ازاں انہوں نے لوٹن ٹائون ہال کے کمیٹی روم میں منعقدہ اجلاس سے خطاب کرتے ہوئے کہا کہ24نومبر کو آل جموں و کشمیر مسلم کانفرنس کے صدر سردار عتیق احمد خان سیز فائر لائن کو توڑنے کا جو اعلان کیا اس پر ہمیں برطانیہ میں مقیم کشمیری کمیونٹی کے تعاون کی ضرورت ہے،ہندوستان مقبوضہ کشمیر کے اندر جان بوجھ کر کشمیریوںکی نسل کشی اور کشمیریوں کو بینائی سے محروم کر رہا ہے گزشتہ چار ماہ سے کشمیری بد ترین ریاستی دہشت گردی اور کرفیو میں بند ہیں جبکہ کشمیریوں کی اس بے بسی پر عالمی برادری خاموش تماشائی بنی ہوئی ہے اور کشمیریوں کی مدد کرنے سے قاصر ہے،24نومبر کو کشمیریوں کے درمیان فرق کو ختم کر دیا جائے گا اور حقیقی طور پر کشمیریوں کی مدد کی جائے گی،انہوں نے کہا کہ بھارت دہشت گرد ملک ہے اور مقبوضہ کشمیر میں کشمیریوں کی نسل کشی پر اقوام متحدہ او انسانی حقوق کی تنظیموں کی خاموشی لمحہ فکریہ ہے اس موقع پر میزبان کونسلر ریاض بٹ،صدر مسلم کانفرنس برطانیہ چوہدری بشیر رٹوی،جنرل سیکرٹری مسلم کانفرنس برطانیہ شبیر ملک،پروفیسر ممتاز بٹ،پروفیسر امتیاز احمد چوہدری،ملک آزاد نکیالوی و دیگر نے صدر آل جموں و کشمیر مسلم کانفرنس سردار عتیق احمد خان کے24نومبر کے سیز فائر لائن توڑنے کے فیصلے کی بھرپور حمایت کرتے ہوئے ہر قسم کے تعاون کی یقین دہانی بھی کروائی۔