مقبول خبریں
راجہ طاہر مسعود کو ملکہ برطانیہ کی طرف سے کمیونٹی کی خدمات پر برٹش ایمپائر میڈل سے نوازا گیا
برطانیہ میں پاکستانی ہائی کمشنر کی جانب سے پاکستانی کمیونٹی کیلئے عید الفطر اوپن ہائوس کا اہتمام
مسلم ہینڈز انٹرنیشنل کی جانب سے شامی تارکین وطن کیلئے خوراک کا کانوائے روانہ کر نے کی تقریب
چیئرمین تحریک انصاف عمران خان بھی کروڑوں روپے کے اثاثوں کے مالک
محبوبہ مفتی کی حکومت ختم، صدر رام ناتھ کووند نے گورنر راج نافذ کر دیا
شیر خدا نے نبی پاک کی آواز پر لبیک کہہ کر اسلام سے محبت اور وفا کی عمدہ مثال قائم کی
پیپلزپارٹی ہی آئندہ انتخابات میں چاروں صوبوں میں اکثریت حاصل کریگی:میاں سلیم
پاکستان کشمیر ویلفیئر ایسوسی ایشن کے ڈائریکٹر پروفیسر فیاض رشید و دیگر کا عید ملن پارٹی کا اہتمام
وصال و ہجر کا قصہ بہت پرانا ہے
پکچرگیلری
Advertisement
کشمیری رہنمائوں عبدالرشید ترابی اور چودھری یسٰین کی ملاقات، لندن مظاہروں بارے گفتگو
سٹوک آن ٹرنٹ: کل جماعتی رابطہ کمیٹی آزاد کشمیر کے کنوینئر و امیر جماعت اسلامی عبدالرشید ترابی اور قانون ساز اسمبلی آزاد جموں کشمیر میں قائد حزب اختلاف و پیپلز پارٹی کے مرکزی رہنما چودھری یسیٰن نے مشترکہ طور پر برطانیہ میں مقیم کشمیری اور پاکستانی کمیونٹی سے اپیل کی ہے کہ وہ 27 اکتوبر کو ہندوستانی افواج کے مقبوضہ کشمیر پر جبری قبضہ کیخلاف یوم سیاہ کے موقع پر بھارتی ہائی کمیشن اور 10 ڈاؤننگ سٹریٹ میں ہونے والے احتجاجی مظاہروں میں بھرپور طریقے سے شرکت کریں۔ اتوار کے روز چودھری یسٰین کی رہائشگاہ پر ہونے والی ملاقات میں یہ فیصلہ کیا گیا کہ دونوں مظاہروں کو کامیاب بنانے کیلئے دونوں رہنما مختلف شہروں کا دورہ کریں گے جبکہ عبدالرشید ترابی اور چودھری یسٰین دونوں مظاہروں سے خطاب کریں گے۔دونوں رہنماؤں نے دوران ملاقات گفتگو کرتے ہوئے کہا کہ مقبوضہ کشمیر میں اس وقت بھارت انسانی حقوق کی سنگین خلاف ورزی کررہا ہے جبکہ کشمیری عوام انتہائی ثابت قدمی سے بھارتی افواج کے ظلم سہہ رہی ہے اقوام عالم کو اس ظلم اور ذیادتی کا فوری نوٹس لینا چاہئے۔برطانیہ میں مقیم کشمیری اور پاکستانی کمیونٹی کا یہ فرض بنتا ہے کہ وہ اپنے مظلوم بھائیوں کی آواز کو بین الاقوامی برادری تک پہنچانے کے لیے ان دونوں مظاہروں میں بھرپور شرکت کریں۔ انہوں نے کہا کہ بھارت دنیا کی آنکھوں میں مزید دھول نہیں جھونک سکتا کشمیر کے نوجوان ۔ بوڑھے ۔بچے اور خواتین اپنا آزادی کا حق لینے کے لئے ایک بار پھر اٹھ کھڑے ہوئے ہیں ۔اب ہمارا یہ فرض بنتا ہے کہ ہم ان کا ساتھ دیں اور اقوام عالم کو بھارت پر دباؤ ڈالنے پر مجبور کریں اور وہ اسی صورت میں ممکن ہے جب ہم سب متحد ہوں اسی لیے یہ فیصلہ کیا گیا ہے کہ ان دونوں مظاہروں کو کامیاب کرنے کے لیے ایک مشترکہ حکمت عملی اپنائی جائے۔