مقبول خبریں
انتخابات کے بعد ن لیگ اور پیپلز پارٹی سے اتحاد نہیں ہو سکتا: چیئرمین تحریک انصاف
مسئلہ کشمیرتسلیم شدہ بین الاقوامی کیس ، جسے حل کروانا اقوام متحدہ کی ذمہ داری :راجہ فارو ق حیدر
مسئلہ کشمیر پر سیاستدانوں سے حمایت کیلئے جموں کشمیر تحریک حق خود ارادیت کی سرگرمیوں میں تیزی
میاں محمد نوازشریف اور مریم نواز کی 7 دن کیلئے حاضری سے استثنیٰ کی درخواست مسترد
مقبوضہ کشمیر میں ایک اور نوجوان جعلی مقابلے میں شہید: جگہ جگہ مظاہرے
پیپلزپارٹی نوٹنگھم کے سابق صدر چوہدری علی شان پی پی پی برطانیہ کے نائب صدر منتخب
سلائو کی میئر عشرت شاہ کا لاہور میں اوور سیز پاکستانیز کمیشن پنجاب کے دفاتر کا دورہ
جموں و کشمیر تحریک حق خود ارادیت انٹر نیشنل کا ہنگامی آزادی ریاست جموں و کشمیر پلان
خواب جھلستے جاتے ہیں اک معصوم سی لڑکی کے
پکچرگیلری
Advertisement
اقوام متحدہ اور عالمی برادری کشمیریوں کو انکا حق دلوانے کیلئے بھارت پر دبائو ڈالے:رہنما مسلم کانفرنس
برمنگھم:آل جموں کشمیر مسلم کانفرنس کے رہنمائوں نے کہا ہے کہ ریاست جموں کشمیر کی نمائندہ جماعت ہونے کے ناطے مسلم کانفرنس نے مسئلہ کشمیر کو عالمی سطح پر اجاگر کرنے کیلئے ہر دور میں اپنا مثبت اور جارحانہ کردار ادا کیا،مسلم کانفرنس سیز فائر لائن ہر صورت عبور کرے گی،عالمی سطح پر بھارت کا مکروہ چہرہ بے نقاب کرنے کیلئے مسلم کانفرنس اور تارکین وطن کشمیری کمیونٹی اپنی جدو جہد جار ی رکھے گی،اقوام متحدہ اور عالمی برادری کشمیریوں کو انکا بنیادی انسانی حق دلوانے کیلئے بھارت پر دبائو ڈالے،ان خیالات کا اظہار رہنمائوں نے مسلم کانفرنس کے 84ویں یوم تاسیس کے حوالے سے منعقدہ تقریب کے موقع پر کیا،جس کا اہتمام صدر مسلم کانفرنس برمنگھم برانچ راجہ اسحاق صابر نے کیا تھا،تقریب میں صدر مسلم کانفرنس برطانیہ کے چوہدری محمد بشیر رٹوی،مرکزی رہنما کونسلر چوہدری فاضل،کونسلر چوہدری عظیم،فردوس بیگ،اظہر گیلانی اور دیگر کارکنان بھی موجود تھے،تقریب سے خطاب کرتے ہوئے صدر مسلم کانفرنس برطانیہ چوہدری بشیر رٹوی نے کہا کہ مسلم کانفرنس کے کارکنان صدر جماعت سردار عتیق احمد کی قیادت میں اور مجاہد اول سردار عبدالقیوم کے ویژن کے مطابق تحریک آزادی کشمیر اور الحاق پاکستان کیلئے ہر قسم کی قربانی کیلئے تیار ہیں،صدر مسلم کانفرنس برمنگھم برانچ راجہ اسحاق صابر نے کہا کہ24اکتوبر کو مسلم کانفرنس کے کارکنان قیادت کے فیصلے پر عمل در آمد کرنے کیلئے بھرپور تیاریاں کر رہے ہیں، کشمیری قوم سیز فائر لائن کو اپنے پیروں تلے روندے گی اور اپنے مظلوم کشمیری بہن بھائیوں کیلئے اپنی عملی جدو جہد کو جاری رکھے گی،چوہدری فاضل نے کہا مسلم کانفرنس کا ہر کارکن کشمیر کی تحریک آزادی اور دفاع پاکستان کیلئے ہر قربانی دینے کیلئے تیار ہے۔