مقبول خبریں
انتخابات کے بعد ن لیگ اور پیپلز پارٹی سے اتحاد نہیں ہو سکتا: چیئرمین تحریک انصاف
مسئلہ کشمیرتسلیم شدہ بین الاقوامی کیس ، جسے حل کروانا اقوام متحدہ کی ذمہ داری :راجہ فارو ق حیدر
مسئلہ کشمیر پر سیاستدانوں سے حمایت کیلئے جموں کشمیر تحریک حق خود ارادیت کی سرگرمیوں میں تیزی
میاں محمد نوازشریف اور مریم نواز کی 7 دن کیلئے حاضری سے استثنیٰ کی درخواست مسترد
مقبوضہ کشمیر میں ایک اور نوجوان جعلی مقابلے میں شہید: جگہ جگہ مظاہرے
پیپلزپارٹی نوٹنگھم کے سابق صدر چوہدری علی شان پی پی پی برطانیہ کے نائب صدر منتخب
سلائو کی میئر عشرت شاہ کا لاہور میں اوور سیز پاکستانیز کمیشن پنجاب کے دفاتر کا دورہ
جموں و کشمیر تحریک حق خود ارادیت انٹر نیشنل کا ہنگامی آزادی ریاست جموں و کشمیر پلان
خواب جھلستے جاتے ہیں اک معصوم سی لڑکی کے
پکچرگیلری
Advertisement
پیپلز پارٹی بریڈ فورڈ کے زیر اہتمام سانحہ کار ساز میں شہید ہونیوالے شہدا کی یاد میں تقریب
بریڈفورڈ:پاکستان پیپلز پارٹی بریڈ فورڈ کے زیر اہتمام سانحہ کار ساز کراچی میں شہید ہونے والے شہدا اور زخمیوں کی یاد میں ایک تقریب کا اہتمام کیا گیا جس میں پیپلز پارٹی کے کارکنوں نے شرکت کی اور سانحہ کار ساز کے شہدا کو شاندار الفاظ میں خراج عقیدت پیش کیا گیا،پیپلز پارٹی کے سینئر رہنما آصف نسیم راٹھور کی رہائش گاہ پر منعقدہ اس پر وقار تقریب میں سابق مشیر حکومت آزاد کشمیر زاہد مغل،سینئر صحافی ظفر تنویر،پاکستان پریس کلب یوکے کے صدر ارشد رچیال،صغیر پوٹھی،چوہدری عمران واحد،آصف خان جدون،ماموں عبدالقیوم،حاجی کرامت حسین،چوہدری نذیر اور دیگر نے شرکت کی،شرکا نے پاکستان اور ملک کیلئے بھٹو خاندان کی قربانیوں کو لازوال قرار دیتے ہوئے کہا سانحہ کار ساز کے زخم آج بھی ہمارے دلوں میں زندہ ہیں ہم شہید ہونے والے کارکنوں کی قربانیوں کو سلام پیش کرتے ہیں اور انکے لواحقین کے دکھ میں برابر کے شریک ہیں،پیپلز پارٹی کے جیالوں نے ہمیشہ ملک اور مٹی کے لئے اپنے قائدین کے ساتھ شانہ بشانہ قربانیاں دی ہیں جو قابل تحسین اور قابل مثال ہیں،پیپلز پارٹی کے رہنمائوں کا کہنا تھا آج سانحہ کار ساز کو5سال مکمل ہونے کے بعد بھی اس سانحے کے متاثرین افراد کو انصاف ملنے کے منتظر ہیں آخر میں سانحہ کار ساز میں شہدا کیلئے دعائے مغفرت بھی کی گئی،ظفر تنویر کا کہنا تھا کہ آج صحافیوں پر سب سے بڑی قدغن میڈیا ہائوسز کے مالکان ہیں جنہوں نے اپنے ورکرز کو ایک دائرے میں قید کر کے رکھا ہوا ہے اور وہ اسکے باہر نہیں جا سکتے انہوں نے جنگ جیو پر تنقید کرتے ہوئے کہا کہ ان کے مالکان چاہتے ہیں کہ لنڈی کوتل سے کراچی تک اور برطانیہ سے لیکر گلاسگو تک ان کی سیاسی اور صحافتی پالیسز کی حمایت کریں جو سرا سر غلط ہے کیونکہ ان کے ایسی چیزوں سے مفادات وابستہ ہیں یہ بات نہیں ہونی چاہئے اور اس چیز کے خلاف آپکو اپنی جدو جہد کرنا ہو گی،نوجوان صحافیوں سے مخاطب ہوتے ہوئے ظفر تنویر کا کہنا تھا آپ لوگ سب سے زیادہ اپنے آپکو جواب دہ ہیں آپکو اپنے ضمیر کے ساتھ رپورٹنگ کرنا چاہئے اور قلم سے الفاظ کرنا چاہئے اور اصول کا دامن نہیں چھوڑنا چاہئے،خود احتسابی کو ہمیشہ ترجیح دیں،سابق مشیر حکومت آزاد کشمیر زاہد مغل کا کہنا تھا کہ ارشد رچیال کا صدر بننا ہمارے لئے بہت اعزاز کی بات ہے اور ہم ان سے توقع رکھتے ہیں وہ صحافی کارکنوں کیلئے اپنا مشن جاری رکھیں گے اور ان کے حقوق کا تحفظ کرینگے اور سب ساتھیوں کو احسن طریقے سے ساتھ لیکر چلنے کی کوشش کریں گے،انکا مزید کہنا تھا کہ آج کل کچھ ایسے نام نہاد صحافی بھی موجود ہیں جو صحافت کے نام پر لوگوں کو بدنام اور بلیک میل کرتے ہیں اور جس کو چاہتے ہیں اوپر لے جاتے ہیں اور جس کو چاہتے ہیں نیچے پھینک دیتے ہیں ایسے صحافیوں کو آپ تربیت دیں،اس کیلئے ورکشاپ قائم کریں کیونکہ جس کو اللہ عزت دیتا ہے اس کو کوئی نہیں گرا سکتا،پیپلز پارٹی بریڈ فورڈ کے سابق صدر آصف نسیم راٹھور کا کہنا تھا یہ میرے لئے اعزاز کی بات ہے کہ ارشد رچیال نے پاکستان پریس کلب یو کے کا صدر بننے کے بعد سب سے پہلے ہماری دعوت قبول کی ہم انکو دل کی اتھاہ گہرائیوں تے مبارکباد پیش کرتے ہیں ان کا مزید کہنا تھا کہ ارشد رچیال نے صحافت کے میدان میں نمایاں کامیابیاں حاصل کی ہیں اور اپنی جاندار رپورٹنگ کیوجہ سے برطانیہ کی صحافتی دنیا میں نام اور مقام رکھتے ہیں پاکستان پیپلز پارٹی بریڈ فورڈ کے سابق صدر آصف نسیم راٹھور کی جانب سے انعقاد پذیر اس تقریب سے چوہدری صغیر پوٹھی،آصف خان جدون، ماموں عبدالقیوم،وقار بابر مغل،زاہد نور،حسیب ارسلان،چوہدری عمران واحد اور حاجی کرامت نے بھی اظہار خیال کیا۔