مقبول خبریں
حضرت عثمان غنی ؓ نے دین اسلام کی ترویج میں اہم کردار ادا کیا: علامہ ظفر محمود فراشوی
بھارتی ظلم و جبر؛ برطانیہ کے بعد امریکی اخبارات میں بھی مسئلہ کشمیر شہہ سرخیوں میں نظر آنے لگا
جموں کشمیر تحریک حق خود ارادیت برطانیہ و یورپ میں کانفرنسز اورسیمینارز منعقد کریگی : راجہ نجابت
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
اوورسیز پاکستانیز ویلفیئر کونسل کا وسیم اختر چوہدری اور ملک ندیم عباس کے اعزاز میں استقبالیہ
جموں کشمیر تحریک حق خودارادیت کے زیر اہتمام کشمیر کانفرنس،ممبران برطانوی و یورپی پارلیمنٹ کی شرکت
وہ جو آنکھ تھی وہ اجڑ گئی ،وہ جو خواب تھے وہ بکھر گئے
پکچرگیلری
Advertisement
پاکستان کو دہشت گردی کے خلاف جنگ کا کردار ادا کرنے کی سزا دی جا رہی ہے : لارڈ قربان حسین
لوٹن ... لوٹن ٹائون ہال کے باہر پشاور کے شہداء کی یاد میں لوٹن کونسل آف فیتھس کے زیر اہتمام ایک وجل کا اہتمام کیا گیا، جس میں مختلف مذاہب کے نمائندگان نے شہدا کو زبردست خراج پیش کیا اور واقعہ میں ملوث دہشت گردوں کی سخت مذمت کی اور دعا کی کہ پاکستان دہشت کردی کے خاتمے میں کامیاب ہو۔ اس موقع پر ٹائون ہال کے باہر شمعیں جلائی گئیں اور دو منٹ کی خاموشی بھی اختیار کی گئی۔ مسلمانوں کے علاوہ ہندو، بدھ، کویکر، سکھ، یہودی، جین، عیسائی اور بہائی مذاہب کے رہنمائوں نے اظہار خیال کیا۔ جن میں عیسائی مذہب کے ڈیکن پیٹر آدم، سکھ مذہب کے جسوندر ناگرہ، ہندوئوں کے نمائندہ ناٹو بھائی سولنگی، کویکر رکی جولی، بچر، مسلمانوں کے نمائندے علامہ قاضی عبدالعزیز چشتی، جین مذہب کے سریت جین نے خطاب کیا۔ چیئرمین ظفر خان نے ابتدائیہ جملے ادا کئے۔ کونسل لیڈر ہیزل سمنز، کونسلر خدیجہ ملک نے بھی خطاب کیا۔ جبکہ کوآرڈینیٹر ڈیوڈ جانتھن نے نظامت کے فرائض انجام دیئے۔ وجل میں لارڈ قربان حسین، میئر محمد فاروق بلڈنگ برجز کے سربراہ راجہ اکبر داد خان، کونسل ریاض بٹ، کونسلر راجہ سلیم، ڈاکٹر نازیہ خانم، سید تحسین گیلانی، اعظم شاہ، چوہدری محمد شریف، ملک اعجاز، ممتاز بٹ، شبیر ملک سمیت 100کے قریب مختلف شعبہ ہائے زندگی سے متعلق افراد نے شرکت کرکے شہداء پشاور کو خراج پیش کیا۔ وجل میں شریک دارالامراء کے ممبر لارڈ قربان حسین نے کہا کہ پشاور میں معصوم بچوں کا قتل یہ درندگی اور سفاکی کی انتہا ہے پاکستان کو دہشت گردی کے خلاف جنگ میں فرنٹ لائن ریاست کا کردار ادا کرنے کی سزا دی جا رہی ہے۔ مغرب کو چاہئے کہ وہ اس صورتحال میں پاکستان کی خدمات کا اعتراف کرکے اس کی بھرپور امداد کرے۔ انہوں نے کہا کہ اس واقعہ میں ملوث لوگ اسلام تو دور کی بات ہے انسانیت کے بھی دشمن ہیں، جن کا قلع قمع کیا جانا ہر صورت میں ضروری ہے۔ انہوں نے مزید کہا کہ اس واقعہ کے بعد جو یکجہتی کی فضا قائم ہوئی ہے یہ ایک اہم پیش رفت ہے۔