مقبول خبریں
یورپی پارلیمنٹ کی انسانی حقوق کمیٹی کا مقبوضہ کشمیر میں انسانی حقوق کی خلاف ورزیوں پر ہیئرنگ کا فیصلہ
بیسٹ وے گروپ کے سربراہ سرانور پرویز کی جانب سے کمیونٹی رہنمائوں کے اعزاز میں استقبالیہ
نبوت بھی اﷲ کی عطا ہے اور صحابیت بھی، نبوت بھی ختم ہے اور صحابیت بھی: ڈاکٹر خالد محمود
ملک دشمن عناصر دہشتگردی کے ذریعے پاکستان میں الیکشن سبوتاژ کرنا چاہتے ہیں:عمران خان
مقبوضہ کشمیر :بھارتی فوج نے نوجوان کا سر تن سے جدا کر دیا ،احتجاج،جھڑپیں
شیر خدا نے نبی پاک کی آواز پر لبیک کہہ کر اسلام سے محبت اور وفا کی عمدہ مثال قائم کی
پیپلزپارٹی ہی آئندہ انتخابات میں چاروں صوبوں میں اکثریت حاصل کریگی:میاں سلیم
مسئلہ کشمیر پرقوم کا نکتہ نظر اور قربانیاں رنگ لا رہی ہیں:جموں کشمیر تحریک حق خود ارادیت
نیا موسم تمہارا منتظر ہے۔۔۔۔۔۔۔۔
پکچرگیلری
Advertisement
آزاد کشمیر کے یوم تاسیس کے موقع پر سوک سنٹر اولڈہم میں پرچم کشائی کی پر وقار تقریب
اولڈہم:آزاد کشمیر کے یوم تاسیس کے موقع پر سوک سنٹر اولڈہم میں پرچم کشائی کی ایک پر وقار تقریب منعقد ہوئی اوراسے کشمیری ایسوسی ایشن لٹریری فورم اور کشمیر ڈویلپمنٹ فائونڈیشن کے زیر انتظام منعقد کیا گیا،ڈپٹی میئر اولڈہم کونسل عتیق الرحمن نے خطاب کرتے ہوئے کہاکہ چوبیس اکتوبر کا دن کشمیریوں کیلئے تاریخی حیثیت رکھتا ہے ہر سال کی طرح اس سال بھی پرچم کشائی کر کے ہم نے مادر وطن کے ساتھ جذبہ ء حب الوطنی کا عملی ثبوت دیا ہے،انہوں نے کہا اگلے سال وہ میئر شپ کے عہدہ پر فائز ہوں گے اور پوری کوشش کروں گا کہ تمام سیاسی جماعتوں کو دعوت دے کر انہیں شرکت کرنے کیلئے ان سے ذاتی طور پر بات کروں انہوں نے مزید کہا کہ جس طرح میڈیا کے اندر بین الاقوامی سطح پر مسئلہ فلسطین کو پذیرائی ملی ہے اس طرح مسئلہ کشمیر کو نہیں ملتی اس پر کام کرنے کی اشد ضرورت ہے کیونکہ آج کل کے جدید دور میں الیکٹرانک اور سوشل میڈیا انتہائی اہمیت کے حامل ہیں،آخر میں انہوں نے امید ظاہر کی وہ وقت دور نہیں جب کشمیری اپنی آزادی کا جشن دھوم دھام سے منائیں گے صرف اتحاد و اتفاق سے اس پر کام کرنے کی ضرورت ہے،کشمیری دانشور اور اس تقریب کے اہم آرگنائزر شمس الرحمن نے تمام حاضرین کو خوش آمدید کہتے ہوئے کہا مقبوضہ کشمیر کے اندر بھارتی سیکورٹی فورسز کی جارحیت بین الاقوامی انسانی حقوق کی کھلی خلاف ورزی ہے جو گزشتہ چھبیس برس سے جاری ہے لیکن عالمی طاقتیں خاموش تماشائی کا کردار ادا کر رہی ہیں جو لمحہ فکریہ ہے اور انکے دوہرے معیار کی عکاسی کرتا ہے کشمیریوں کو غلامی کی زنجیروں سے آزادی ملنی چاہئے تاکہ وہ بھی ایک قوم کی حیثیت سے زندگی بسر کر سکیں،آخر میں انہوں نے اولڈہم کونسل کا شکریہ ادا کیا جنہوں نے اس تقریب کے انعقاد کو یقینی بنایا اور اس میں ایشیائی کونسلرز حضرات کا کردار مثالی ہے،سابق میئر اولڈہم کونسلر شعیب اختر نے کہا کہ ہماری یہ اولین ذمہ داری ہے اپنی نوجوان نسل کو مادر وطن کشمیر بارے پوری آگاہی دیں اور مسئلہ کشمیرکو مزید اجاگر کرنے کے لئے ان کی جدید ٹیکنالوجی کے ذریعے مدد حاصل کریں تاکہ بہتر طریقے سے بین الاقوامی سطح پر اسے ایوانوں اور عوام الناس تک پہنچایا جائے،آخر میں انہوں نے تمام کشمیریوں کو مخاطب کرتے ہوئے کہا کہ وہ اتحاد و اتفاق کا عملی مظاہرہ کرتے ہوئے یک زبان ہو کر مسئلہ کشمیرکواجاگرکریں،پرچم کشائی کی اس تقریب میں کونسلر شائد مشتاق،کونسلر شاداب قمر،شبیر کشمیری کے علاوہ دیگر احباب نے شرکت کی،آخر میں امت مسلمہ کے لئے خصوصی دعا کی گئی۔بیورو رپورٹ:فیاض بشیر