مقبول خبریں
برادری ازم پر یقین رکھتے ہیں اور نہ علاقائی تعصب پر اہلیت کی بنیاد پر ڈاکٹر شاہد کی حمائت کر رہے ہیں
اسلام میں جسطرح خدمت انسانی کی حوصلہ افزائی کی گئی اسکی مثال نہیں ملتی: الصف چیریٹی کی امدادی تقریب
لالچی اور خودغرض ٹور آپریٹرز ں نے اللہ کے مہمانوں سے لوٹ کھسوٹ کا بازار گرم کر رکھا ہے
احتجاج کرنیوالے وزیر اعظم ہائوس آ کر مذاکرات کریں، نواز شریف
کشمیریوں نے بھارت کو بتا دیا وہ جدو جہد آزادی سے پیچھے نہیں ہٹیں گے،علی گیلانی
شیراز خان کی برطانیہ واپسی پر چیئرمین سلطان باہو پیر نیازالحسن سروری قادری کی والدہ کی وفات پر تعزیت
کشمیری اس امر پر متفق ہیں کہ ووٹ انہی کو دیا جائے گا جوحق خود ارادیت کی حمائت کرتے ہیں:کونسلر محبوب بھٹی
برطانیہ میں مقیم کمیونٹی پاکستان سے بے پناہ محبت کرتی ہے، . لارڈ میئر بریڈفورڈکا چھچھ ایسوسی ایشن تقریب سے خطاب
حکومت پنجاب کا اوورسیز کمشنر آفس
پکچرگیلری
Advertisement
مقبوضہ کشمیر میں ہونیوالے انتخابات رائے شماری کا نعم البدل نہیں ہیں: رچرد ہیرنگٹن ایم پی
لوٹن ... جموں کشمیر لبریشن فرینٹ کے ایک نمائندہ وفد نے برطانوی پارلیمنٹ کی آل پارٹی پارلیمانی گروپ آن کشمیر کے وائس چیئرمین رچرڈ ہیرنگٹن سے ملاقات کی اور ان سے بھارت کے حالیہ انتخابات میں مقبوضہ کشمیر کی صورتحال پر گفتگو کی۔ رچرد ہیرنگٹن ایم پی نے اپنے آفس میں کشمیری جماعتوں کے رہنماوٴں سے بات چیت کرتے ہوئے کہا برطانیہ کشمیری عوام کے حق خودارادیت کی مکمل حمایت کرتا ہے۔ برطانیہ کی مسئلہ کشمیر پر کوئی پالیسی تبدیل نہیں ہوئی۔ انہوں نے کہا بھارت مسئلہ کشمیر کو فوری حل کرے۔ برطانیہ مقبوضہ کشمیر کی سنگین صورتحال سے آگاہ ہے اور مقبوضہ کشمیر میں ہونیوالے انتخابات رائے شماری کا نعم البدل نہیں ہیں۔ رچرڈ ہیرنگٹن نے کشمیری جماعتوں کے قائدین کے سوالوں کا جواب دیتے ہوئے کہا برصغیر جنوب ایشیاء میں پائیدار امن کیلئے مسئلہ کشمیر کا حل انتہائی ضروری ہے۔ ایم پی رچرڈ ہیرنگٹن نے کشمیری جماعتوں کے رہنماوٴں سے بات چیت کرتے ہوئے کہا کشمیری قائدین کسی ایک نقطہ پر متحد و متفق ہوکر ملاقات کریں تاکہ اس کو لے کر اعلیٰ حکام سے بات کی جائے جس طرح ہم نے سکاٹ لینڈ کے مسئلہ پر متفق ہوکر وہاں ریفرنڈم کرارہے ہیں۔ ممبر آف پارلیمنٹ اینڈ کشمیر کمیٹی کے وائس چیئرمین رچرڈ ہیرنگٹن نے کشمیری قائدین سے کہا آپ مسئلہ کشمیر کے حوالے سے ایک مختصر ڈرافٹ تیار کرکے لائیں تاکہ ایک متفقہ لائحہ عمل اختیار کرتے ہوئے کشمیر ایشو پر کام کیاجائے۔ آپ باقی ممبران پارلیمنٹ سے بھی رابطے کریں۔ ایم پیز کشمیریوں کو الیکشن میں ووٹ کیلئے استعمال نہ کریں بلکہ کشمیر کازکیلئے عملی طور پر کام کریں۔ایم پی رچرڈ ہیرنگٹن سے ملاقات کرنیوالوں میں جموں کشمیرلبریشن فرنٹ کی سفارتی و سیاسی کمیٹی کے سربراہ پروفیسر راجہ ظفرخان، پروفیسر لیاقت علی خان، ملک صادق سبحانی، فرنٹ کے جنرل سیکرٹری سید تحسین گیلانی و دیگرافراد شامل تھے۔