مقبول خبریں
برادری ازم پر یقین رکھتے ہیں اور نہ علاقائی تعصب پر اہلیت کی بنیاد پر ڈاکٹر شاہد کی حمائت کر رہے ہیں
اسلام میں جسطرح خدمت انسانی کی حوصلہ افزائی کی گئی اسکی مثال نہیں ملتی: الصف چیریٹی کی امدادی تقریب
لالچی اور خودغرض ٹور آپریٹرز ں نے اللہ کے مہمانوں سے لوٹ کھسوٹ کا بازار گرم کر رکھا ہے
احتجاج کرنیوالے وزیر اعظم ہائوس آ کر مذاکرات کریں، نواز شریف
کشمیریوں نے بھارت کو بتا دیا وہ جدو جہد آزادی سے پیچھے نہیں ہٹیں گے،علی گیلانی
شیراز خان کی برطانیہ واپسی پر چیئرمین سلطان باہو پیر نیازالحسن سروری قادری کی والدہ کی وفات پر تعزیت
کشمیری اس امر پر متفق ہیں کہ ووٹ انہی کو دیا جائے گا جوحق خود ارادیت کی حمائت کرتے ہیں:کونسلر محبوب بھٹی
برطانیہ میں مقیم کمیونٹی پاکستان سے بے پناہ محبت کرتی ہے، . لارڈ میئر بریڈفورڈکا چھچھ ایسوسی ایشن تقریب سے خطاب
حکومت پنجاب کا اوورسیز کمشنر آفس
پکچرگیلری
Advertisement
بین المذاہب ہم آہنگی کے حوالے سے مانچسٹر ایک مثالی شہر ہے، فیتھ لیڈرز ملاقات
مانچسٹر ... اسلام امن کا مذہب اور انسانیت کی بھلائی کا عالمگیر پروگرام رکھتا ہے، اسلام عیسائیت اور دیگر مذاہب ہر قسم کی دہشت گردی اور انسانیت کش اقدامات کے خلاف ہیں، مذاہب انسانی رشتوں میں قربتیں درگذر اور دکھی انسانیت کی خدمت، انسان کو درپیش مشکلات کا مداوا کرنے کیلئے ہوتے ہیں۔ برطانیہ میں مسلمانوں کا بہترین کردار ہے اور وہ امن اور باہمی رواداری اور ہارمنی کیلئے کوشاں ہیں۔ ان خیالات کا اظہار بشپ آف مانچسٹر ریونڈر ڈیوڈ والکر، سیکرٹری جنرل ماسک اینڈ امامز بورڈ یو کے (مناب) علامہ احمد نثار بیگ قادری کی ملاقات میں کیا گیا جس کا اہتمام لارڈ میئر مانچسٹر نعیم الحسن جے پی نے کیا تھا ۔ اس موقع پر دونوں رہنماوٴں نے مسلمان کمیونٹی کے علما ء و رہنماوٴں اور بشپ اور کرسچن نمائندوں کے مابین ڈائیلاگ اور رابطوں کا تسلسل رکھنے پر اتفاق کیا۔ اس اہم ملاقات کے موقع پر علامہ احمد نثار بیگ قادری نے مغربی میڈیا میں اسلام کے خلاف منفی رجحانات کو ہوا دینے اور بعض ایسی چیزیں اور اقدام جو کہ مذہب سے ہٹ کر مسلمانوں نے اپنا رکھی ہیں کو اسلام کا حصہ بتا کر پروپیگنڈا کیا جاتا ہے پر تفصیلی گفتگو کی۔ اس موقع پر بشپ نے اسلامو فوبیا اور نسل پرستی کے خلاف باہمی اتحاد پر زور دیتے ہوئے کہا کہ اسلام اور مسیحیت مل کر دہشت گردی اور اسلامو فوبیا کے خلاف جدوجہد کریں گے اور برطانیہ میں رہنے والے مسلمان پر امن ہیں اور ان کے خلاف بلاوجہ مہم جوئی درست نہیں، یہاں پر مسلمان اور دیگر مذاہب رکھنے والوں کے مابین اچھے تعلقات ہیں اور انہیں مزید بہتر بنانے کی سعی کی جاتی رہے گی۔ برطانیہ میں رہنے والوں کے وقار کو بلند کرتے رہیں گے۔ لارڈ میئر مانچسٹر کونسلر نعیم الحسن نے کہا کہ مانچسٹر بہترین شہر ہے اس میں مختلف مذاہب سے تعلق رکھنے والی ملٹی فیتھ کمیونٹیز ایک دوسرے کے ساتھ کمیونٹی کوہیژن، ہارمنی کیساتھ رہ رہے ہیں۔ انہوں نے کہا کہ کرسچین، جیوش اور مسلمان مذہبی رہنماوٴں کا مل بیٹھ کر ایک دوسرے کو سمجھنے کی ضرورت ہے تاکہ باہمی تعلقات کو مزید بہتر بنایا جاسکے۔ اس موقع پر ہر ماہ باقاعدگی سے ملاقاتوں اور رابطوں پر بھی اتفاق کرلیا گیا۔ ملاقات کے بعد مانچسٹر قونصلیٹ کے کمیونٹی ویلفیئر اتاشی ساجد قاضی نے بشپ آف ماچسٹر ریو ڈیوڈ واکر کو پاکستان کے حوالے سے مرتبہ خصوصی کتاب پیش کی۔