مقبول خبریں
راچڈیل کیسلمئیرسنٹر میں کمیونٹی کو صحت مند رہنے،حفاظتی تدابیر بارے آگاہی ورکشاپ کا انعقاد
یورپی پارلیمنٹ میں قائم ’’فرینڈز آف کشمیر گروپ‘‘ کی تنظیم سازی کردی گئی
جموں کشمیر تحریک حق خود ارادیت جولائی میں برطانیہ و یورپ میں کانفرنسز،سیمینارز منعقد کریگی
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
اوورسیز پاکستانیز ویلفیئر کونسل کا وسیم اختر چوہدری اور ملک ندیم عباس کے اعزاز میں استقبالیہ
مسئلہ کشمیر کو برطانیہ و یورپ میں اجاگر کرنے پر تحریکی عہدیداروں کا اہم کردار ہے: امجد بشیر
ہم نے سچ کو دیکھا ہے جھوٹ کے جھروکوں سے!!!!
پکچرگیلری
Advertisement
روٹری کلب کے راہنما ڈاکٹر سہیل قریشی کے اعزاز میں سماجی کمیونٹی شخصیت چوہدری محمود کا استقبالیہ
راچڈیل (محمد فیاض بشیر)پاکستان کے شہر ساہیوال سے آئے روٹری کلب کے سنئیر راہنما ڈاکٹر سہیل قریشی کے اعزاز میں سماجی کمیونٹی شخصیت چوہدری محمود نے ایک استقبالیہ دیا جس میں راچڈیل کے سابق مئیر کونسلر محمد زمان، کونسلر سلطان، پاکستان کی نامور کاروباری شخصیت اسد خان ملک فہد و دیگر نے شرکت کی۔ راچڈیل اور ساہیوال کے جڑواں شہر کی حیثیت کو مذید ٹھوس اور مؤثر بنانے بارے مستقبل کے لائحہ عمل پر بات چیت کی گئی۔ اس موقع پر پاکستان سے آئے مہمان ڈاکٹر سہیل قریشی کا کہنا تھا کہ ساہیوال، راچڈیل کے ساتھ جب سے جڑواں شہر کا درجہ ملا تھا اس وقت سے گہرا رشتہ وابستہ ہے اپنی پیشہ ورانہ ذمہ داریوں کی وجہ سے کچھ عرصہ فعال کردار ادا نہ کر سکا لیکن اب دوبارہ دونوں شہروں کے درمیان تعلقات کے فروغ اور باہمی دلچسپی کے امور پر اپنا کردار ادا کروں گا۔ سابق مئیر کونسلر محمد زمان کا کہنا تھا کہ اس ملاقات کا مقصد جڑواں شہر کے رشتے کو مضبوط بنانے بارے مشترکہ لائحہ عمل اپنانا تھا ۔ کونسلر سلطان کا کہنا تھا کہ ڈاکٹر سہیل قریشی ساہیوال کی نامور اور معتبر شخصیت ہیں اور جڑواں حیثیت کا درجہ 1989 سے حاصل ہے اب ڈاکٹر سہیل سے امیدیں وابستہ ہیں امید ہے انکی کاوشوں سے ایک نئے دور کا آغاز ہو گا میں خود بھی ساہیوال ورکنگ پارٹی کا چیئرمین ہوں۔ ملک فہد کا کہنا تھا کہ انکا تعلق بھی ساہیوال سے ہے اور وہ راچڈیل ساہیوال کے درمیان باہمی دلچسپی کے تمام امور پر ایک دوسرے سے استفادہ حاصل کرنے کے خواہاں ہیں ۔ پاکستان سے آئی ممتاز کاروباری شخصیت اسد خان کا کہنا تھا کہ میں خود بھی روٹرین رہا ہوں اور ڈاکٹر سہیل روٹرین کے ساتھ ڈپٹی گورنر بھی ہیں ان کا کہنا تھا کہ حکومت پاکستان سے مطالبہ کرتا ہوں کہ برطانیہ میں تعینات ویلفیئر تجارتی اتاشی کو سرگرم کریں تاکہ برطانیہ اور پاکستان کے درمیان تجارت کو فروغ ملے برطانیہ میں بسنے والے پاکستانی ہر سال پاکستان میں بارہ سے چودہ ارب ڈالر کا زرمبادلہ بھیجتے ہیں اس سے مذید فائدہ بھی اٹھایا جا سکتا ہے ۔ ان کا مذید کہنا تھا کہ وہ راچڈیل کونسل اور روٹرین کلب ساہیوال سے درخواست کریں گے کہ وہ صوابی میں ایک رفاعی ادارے کے لیے ائیر ایمبولینس فراہم کرنے کے لیے کوشاں ہیں اس سلسلے میں مدد فراہم کی جائے تاکہ اس پسماندہ علاقے کے لوگ فائدہ اٹھا سکیں۔ میزبان چوہدری محمود نے ڈاکٹر سہیل قریشی اور دیگر مہمانوں کا دلی شکریہ ادا کیا اور اس بات کا اعادہ کیا کہ راچڈیل اور ساہیوال کے باہمی دلچسپی کے امور پر تیزی سے کام کیا جائے گا۔