مقبول خبریں
کونسلر شکیل احمد تیسری بار لیبر پارٹی کی طرف سے مئی 2020ء کے لئے امیدوار نامزد
بٹ کوائین کے ساتھ ڈارک ویب پر بچوں کی نازیبا ویڈیوز کا کاروبار کرنے والا عالمی گروہ گرفتار
پاک سر زمین پارٹی کے مرکزی جوائنٹ سیکرٹری محمد رضا کی زیر صدارت عہدیداران و کارکنان کا اجلاس
برطانوی شاہی جوڑے کی پاکستان میں زبردست پذیرائی، وزیر اعظم اور صدر مملکت سے ملاقاتیں
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
حلقہ ِ ارباب ِ ذوق کے ادبی پروگرام میں پاکستانیوں اور کشمیری کونسلرز کی بڑی تعداد میں شرکت
پارک ویو کمیونٹی سنٹر شہیر واٹر میں ہمنوا یو کے کے زیرِ اہتمام یوم آزادی پاکستان تقریب کا انعقاد
پروفیٹک گفٹس ویڈنگ اینڈ ایونٹس آرگنائزر کے زیر اہتمام ایشین ویڈنگ اینڈ پلانرز ایونٹ کا انعقاد
میرے تمام خواب نظاروں سے جل گئے
پکچرگیلری
Advertisement
کیئرنگ اینڈ شیئرنگ گروپ کے زیر اہتمام تقریب،مختلف ممالک کی خواتین نے ثقافتی رنگ پیش کئے
راچڈیل (محمد فیاض بشیر)راچڈیل کے مقامی ہال میں بین الثقافتی و مذاہب اور برطانیہ میں رہائش پذیر مختلف ممالک کی خواتین کا ایک رنگا رنگ پروگرام منعقد ہوا۔ اس تقریب کا انعقاد کئیرنگ اینڈ شئیرنگ گروپ نے کیا ۔ مختلف ممالک کی خواتین نے اپنے ثقافتی رنگ پیش کر کے ماحول کو گرما دیا اور کمیونٹی کے اندر اتحاد و اتفاق کی اعلیٰ مثال قائم کی اور اس بات کا اعادہ کیا کہ اس طرح کی مذید تقریبات کا انعقاد کر کے کمیونٹی کو ایک دوسرے کے قریب لایا جائے گا۔ حمیرا حقانی کا کہنا تھا کہ اس قسم کی تقریب کا انعقاد ہماری ضرورت ہے برطانیہ میں مختلف ثقافت رنگ و نسل اور مذاہب کے لوگ مل کر اکٹھے رہتے ہیں اور تقریب اس بات کی عکاسی کرتی ہے ہم متحد ہیں ان کا مذید کہنا تھا کہ مستقبل میں ضروری ہے کہ اس طرح کی تقریبات کا انعقاد ہو تاکہ دنیا میں امن و امان قائم ہو لوگ چین سے رہ سکیں۔ ان کا کہنا تھا کہ ہمیں ایک دوسرے کی عزت کرنے اور پیار ومحبت سے رہنے کی ضرورت ہے۔ روس سے تعلق رکھنے والی رخسان کا کہنا تھا میں اپنے ملک کی نمائندگی کرنے کے لیے آئ ہوں اس طرح کی مذید تقریبات ہمیں اور قریب لائیں گی جہاں مختلف ممالک کے لوگ ایک چھت کے سائے تلے جمع ہوں۔ ایران سے تعلق رکھنے والی فرزانہ کا کہنا تھا کہ پروگرام میں خوب ہلا گلا ہو رہا ہے اور پندرہ مختلف ممالک کی خواتین شریک ہیں راچڈیل میں ہم سب امن و سکون محبت کے ساتھ رہتے ہیں اور کمیونٹی کے اندر اتحاد و اتفاق ہے ۔ نائیجیریا کی سانڈرا نے تقریب میں شریک خواتین کا شکریہ ادا کیا اور کہا کہ ہم بے شک مختلف ممالک سے تعلق رکھتے ہیں لیکن ثقافتی طور پر ہماری کئ چیزوں میں مماثلت ہے جس کا عملی مظاہرہ اس تقریب میں شریک خواتین نے ایک دوسرے کی ثقافت سے لطف اندوز ہو کر کیا ہے۔ تقریب میں ایشیائی افریقن اور دیگر ممالک کی موسیقی کی دھنوں پر خواتین نے رقص کر کے ماحول کو رنگین بنا دیا اور خوب داد وصول کی ۔